محب حسین

محب حسین کا تعارف

تخلص : 'محب'

اصلی نام : محب حسین

شناخت: عالمِ دین، صوفی شاعر اور اردو صحافت کے بانیوں میں سے ایک

مولوی محب حسین (تخلص: محب) 1851ء میں اٹاوہ (اتر پردیش) میں پیدا ہوئے۔ وہ اردو کے ممتاز عالمِ دین، صوفی شاعر، صحافی اور مصلح تھے۔ بعد ازاں حیدرآباد دکن کو اپنا مستقل مسکن بنایا، جہاں انہوں نے صحافت، ادب اور سماجی اصلاح کے میدان میں نمایاں خدمات انجام دیں۔ ان کا شمار حیدرآباد دکن میں اردو صحافت کے بانیوں میں کیا جاتا ہے۔

مولوی محب حسین، مولانا الطاف حسین حالی اور اکبر الہ آبادی کے ہم عصر تھے۔ انہوں نے حیدرآباد سے "معلمِ نسواں" کے نام سے ایک مؤثر رسالہ جاری کیا، جس کے ذریعے خواتین کی تعلیم، سماجی اصلاح اور جدید افکار کے فروغ کی بھرپور وکالت کی۔ اس رسالے نے دکن میں تعلیمِ نسواں اور اصلاحِ معاشرہ کی تحریک کو نئی سمت عطا کی۔

وہ اردو اور فارسی کے صاحبِ دیوان شاعر تھے۔ ان کی شاعری میں تصوف، معرفت اور اخلاقی تعلیمات نمایاں ہیں، جبکہ اپنے پیر و مرشد حضرت شاہ محمد سوداگر سے گہری عقیدت کا اظہار بھی ان کے کلام کا اہم وصف ہے۔ مذہبی علوم سے گہری وابستگی کے باعث انہوں نے قرآنِ مجید کا منظوم ترجمہ و تفسیر "مثنوی اسرارِ قرآن" کے عنوان سے تصنیف کی، جو ان کا اہم علمی کارنامہ ہے۔ اس کے علاوہ ان کی تصنیفات میں "مسدسِ توحید" بھی قابلِ ذکر ہے۔

وفات: آپ کا انتقال ۵ جمادی الاول ۱۳۴۸ھ (مطابق ۱۹۳۰ء) کو حیدرآباد میں ہوا۔

تمام

تعارف

ای-کتاب101

ای-کتاب101

محب حسین کا تعارف

Recitation

join rekhta family!

Rekhta Foundation

Rekhta Dictionary

Sufinama

Hindwi

Rekhta Learning

Rekhta Books