koī sannāTā sā sannāTā hai

kaash tūfān uThā de koī

koi sannaTa sa sannaTa hai

kash tufan uTha de koi

maiñ be-hunar thā magar sohbat-e-hunar meñ rahā

shu.ūr baḳhshā hama-rañg mahfiloñ ne mujhe

main be-hunar tha magar sohbat-e-hunar mein raha

shuur baKHsha hama-rang mahfilon ne mujhe

raat sunsān hai galī ḳhāmosh

phir rahā hai ik ajnabī ḳhāmosh

raat sunsan hai gali KHamosh

phir raha hai ek ajnabi KHamosh

vo yuuñ milā hai ki jaise kabhī milā hī na thā

hamārī zaat pe jis kī ināyateñ thiiñ bahut

wo yun mila hai ki jaise kabhi mila hi na tha

hamari zat pe jis ki inayaten thin bahut

ye kis maqām pe tanhā.ī sauñpte ho mujhe

ki ab to tark-e-tamannā kā hausla bhī nahīñ

ye kis maqam pe tanhai saunpte ho mujhe

ki ab to tark-e-tamanna ka hausla bhi nahin