پروفیسر عبدالحق

پروفیسر عبدالحق کا تعارف

اصلی نام : عبدالحق

پیدائش : 24 Apr 1939 | مچھلی شہر, اتر پردیش

شناخت: ممتاز اقبال شناس، محقق، نقاد اور دہلی یونیورسٹی کے پروفیسر ایمریٹس

پروفیسر عبد الحق کی تاریخ پیدائش میں کافی اختلاف ہے، البتہ نازیہ رئیس اپنی کتاب 'پروفیسر عبد الحق: منفرد اقبال شناس' میں لکھتی ہیں، کہ 'اسکول کے ریکارڈ اور آپسی بات چیت کے دوران اور کتابوں کے ذریعے سے مجھے ان کی پیدائش کی صحیح تاریخ کے شواہد حاصل ہوئے۔ اور ان کی صحیح تاریخ پیدائش 4 ربیع الاول 1358ھ مطابق 24 اپریل 1939 ہے۔'

پروفیسر عبدالحق اترپردیش کے ضلع جونپور کے قصبہ مچھلی شہر کے ایک گاؤں پہاڑپور میں پیدا ہوئے۔ ان کی ابتدائی تربیت ایک خالص دینی اور دیہی ماحول میں ہوئی۔ انہوں نے گورنمنٹ سٹی ہائی اسکول اور گورنمنٹ کالج سے تعلیم حاصل کرنے کے بعد گورکھپور یونیورسٹی سے وابستگی اختیار کی، جہاں انہیں پروفیسر محمود الٰہی جیسے اساتذہ کی سرپرستی حاصل رہی۔ پروفیسر محمود الٰہی کی نگرانی میں پی ایچ ڈی مکمل کی اور کم عمری ہی میں دہلی یونیورسٹی کے شعبۂ اردو سے وابستہ ہوگئے۔ ابتدا جز وقتی تدریس سے ہوئی، بعد ازاں 1968ء میں کل وقتی طور پر شعبے کا حصہ بنے اور تقریباً چالیس برس تک تدریسی و تحقیقی خدمات انجام دیتے رہے۔

ان کی علمی زندگی کا سب سے روشن پہلو 'اقبال شناسی' ہے۔ پروفیسر عبدالحق کا شمار عہدِ حاضر کے مستند ترین ماہرینِ اقبال میں ہوتا ہے۔ انہوں نے علامہ اقبال کی شاعری اور فکر کو اپنی زندگی کا اوڑھنا بچھونا بنا لیا۔ ان کی تصانیف میں 'اقبال کے ابتدائی افکار'، 'فکرِ اقبال کی سرگزشت'، 'اقبال کا شعری اسلوب' اور 'اقبال کی غالب شناسی' جیسی اہم کتب شامل ہیں۔

پروفیسر عبدالحق کی خدمات محض تصنیف و تالیف تک محدود نہیں، بلکہ انہوں نے دہلی یونیورسٹی میں تحقیق کی ایک نئی روایت ڈالی۔ ان کی نگرانی میں درجنوں طلبہ نے اقبالیات اور دیگر موضوعات پر پی ایچ ڈی مکمل کی۔ سبکدوشی کے بعد بھی وہ علمی دنیا میں بے حد متحرک ہیں اور اب تک ان کی تین درجن سے زائد کتب منظرِ عام پر آ چکی ہیں۔

موضوعات

مصنف ناقد اسکالر

تمام

تعارف

ای-کتاب77

ویڈیو 5

ای-کتاب77

پروفیسر عبدالحق کا تعارف

موضوعات

Recitation

join rekhta family!

Rekhta Foundation

Rekhta Dictionary

Sufinama

Hindwi

Rekhta Learning

Rekhta Books