رفیع الدین ہاشمی

رفیع الدین ہاشمی کا تعارف

تخلص : 'رفیع الدین ہاشمی'

اصلی نام : رفیع الدین

پیدائش : 09 Feb 1940 | چکوال, پنجاب

وفات : 25 Jan 2024 | لاہور, پنجاب

شناخت: ماہرِ اقبالیات، محقق، نقاد، سفرنامہ نگار اور اقبالیاتی ادب کے ممتاز شارح

رفیع الدین ہاشمی 9 فروری 1940ء کو مصریال، ضلع تلہ گنگ، پنجاب میں پیدا ہوئے۔ بی اے بطور پرائیویٹ گورمنٹ کالج سرگودھا سے کیا۔ 1966ء میں اورینٹل کالج لاہور سے ایم اے اردو اور 1981ء میں جامعہ پنجاب سے ’’تصانیفِ اقبال کا تحقیقی و توضیحی مطالعہ‘‘ کے موضوع پر پی ایچ ڈی کی ڈگری حاصل کی۔

1969ء میں محکمہ تعلیم پنجاب سے وابستہ ہوئے اور مختلف تعلیمی اداروں میں تدریسی خدمات انجام دینے کے بعد 1982ء میں اورینٹل کالج لاہور میں تعینات ہوئے۔ بعد ازاں شعبۂ اردو کے چیئرمین اور پروفیسر کی حیثیت سے خدمات انجام دیں۔ وہ جامعہ پنجاب کے شعبۂ اقبالیات سے بھی وابستہ رہے اور ریٹائرمنٹ کے بعد ہائر ایجوکیشن کمیشن کے پروفیسر مقرر ہوئے۔

رفیع الدین ہاشمی کا شمار برصغیر کے ممتاز اقبال شناسوں میں ہوتا ہے۔ اقبالیات، تحقیق، تنقید اور اردو ادب کے مختلف موضوعات پر ان کی درجنوں کتابیں شائع ہوئیں۔ ان کی اہم تصانیف میں ’’خطوطِ اقبال‘‘، ’’کتابیاتِ اقبال‘‘، ’’اقبال: مسائل و مباحث‘‘، ’’اقبالیات کے سو سال‘‘، ’’تحقیقِ اقبالیات کے مآخذ‘‘، ’’اقبالیات: تفہیم و تجزیہ‘‘، ’’علامہ اقبال: شخصیت و فن‘‘ اور ’’جامعات میں اردو تحقیق‘‘ شامل ہیں۔

وہ ایک عمدہ سفرنامہ نگار بھی تھے۔ ان کے سفرناموں ’’پوشیدہ تری خاک میں‘‘ (اندلس) اور ’’سورج کو ذرا دیکھ‘‘ (جاپان) کو خاص پذیرائی حاصل ہوئی۔ 2002ء میں انہوں نے تحقیقی مجلہ ’’بازیافت‘‘ کا اجرا بھی کیا، جو علمی و تحقیقی حلقوں میں قدر کی نگاہ سے دیکھا جاتا ہے۔

وفات: ڈاکٹر رفیع الدین ہاشمی کا انتقال 25 جنوری 2024ء کو لاہور میں ہوا۔

مددگار لنک : | https://en.wikipedia.org/wiki/Rafiuddin_Hashmi

موضوعات

مصنف سفر نامہ نگار ناقد اسکالر

تمام

تعارف

ای-کتاب33

ای-کتاب33

رفیع الدین ہاشمی کا تعارف

موضوعات

Recitation

join rekhta family!

Rekhta Foundation

Rekhta Dictionary

Sufinama

Hindwi

Rekhta Learning

Rekhta Books