kisī ke lauTne kī jab sadā sunī to khulā

ki mere saath koī aur bhī safar meñ thā

kisi ke lauTne ki jab sada suni to khula

ki mere sath koi aur bhi safar mein tha

phailtī jā.egī chāroñ samt ik ḳhush-raunaqī

ek mausam mere andar se nikaltā jā.egā

phailti jaegi chaaron samt ek KHush-raunaqi

ek mausam mere andar se nikalta jaega

uḌ chalā vo ik judā ḳhāka liye sar meñ akelā

sub.h kā pahlā parinda āsmāñ bhar meñ akelā

uD chala wo ek juda KHaka liye sar mein akela

subh ka pahla parinda aasman bhar mein akela

vo log jo kabhī bāhar na ghar se jhāñkte the

ye shab unheñ bhī sar-e-rahguzār le aa.ī

wo log jo kabhi bahar na ghar se jhankte the

ye shab unhen bhi sar-e-rahguzar le aai

yaad tirī jaise ki sar-e-shām

dhund utar jaa.e paanī meñ

yaad teri jaise ki sar-e-sham

dhund utar jae pani mein