mujhe pata tha ki ye hadsa bhi hona tha

Rajinder Manchanda Bani

mujhe pata tha ki ye hadsa bhi hona tha

Rajinder Manchanda Bani

MORE BYRajinder Manchanda Bani

    mujhe pata thā ki ye hādsa bhī honā thā

    maiñ us se mil ke na thā ḳhush judā bhī honā thā

    chalo ki jazba-e-iz.hār chīḳh meñ to Dhalā

    kisī tarah ise āḳhir adā bhī honā thā

    banā rahī thī ajab chhitr Dūbtī huī shaam

    lahū kahīñ kahīñ shāmil mirā bhī honā thā

    ajab safar thā ki ham rāstoñ se kaTte ga.e

    phir is ke ba.ad hameñ lāpata bhī honā thā

    maiñ tere paas chalā aayā le ke shikve-gile

    kahāñ ḳhabar thī koī faisla bhī honā thā

    ġhubār ban ke uḌe tez-rau ki un ke liye

    to kyā zarūr koī rāsta bhī honā thā

    sarā.e par thā dhuāñ jam.a saarī bastī

    kuchh is tarah ki koī sāneha bhī honā thā

    mujhe zarā gumāñ bhī na thā akelā huuñ

    ki dushmanoñ kahīñ sāmnā bhī honā thā

    mujhe pata tha ki ye hadsa bhi hona tha

    main us se mil ke na tha KHush juda bhi hona tha

    chalo ki jazba-e-izhaar chiKH mein to Dhala

    kisi tarah ise aaKHir ada bhi hona tha

    bana rahi thi ajab chhitr Dubti hui sham

    lahu kahin kahin shamil mera bhi hona tha

    ajab safar tha ki hum raston se kaTte gae

    phir is ke baad hamein lapata bhi hona tha

    main tere pas chala aaya le ke shikwe-gile

    kahan KHabar thi koi faisla bhi hona tha

    ghubar ban ke uDe tez-rau ki un ke liye

    to kya zarur koi rasta bhi hona tha

    sarae par tha dhuan jama sari basti ka

    kuchh is tarah ki koi saneha bhi hona tha

    mujhe zara sa guman bhi na tha akela hun

    ki dushmanon ka kahin samna bhi hona tha

    Source :
    • Book : Kulliyat-e-bani (Pg. 61)
    • Book : Kulliyat-e-bani (Pg. 261)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY