ham haiñ zanjīroñ kī khan-khan ke bigāḌe hue log

terī pāzeb kī chhan-chhan meñ nahīñ aa sakte

hum hain zanjiron ki khan-khan ke bigaDe hue log

teri pazeb ki chhan-chhan mein nahin aa sakte

'ajīb Dhang se mujh ko milī hai āzādī

parinda piñjre meñ piñjra havā meñ rakkhā gayā

'ajib Dhang se mujh ko mili hai aazadi

parinda pinjre mein pinjra hawa mein rakkha gaya

aap ke haath meñ hai mujh se ta'alluq kā remote

aap chāheñ to ye channel bhī badal sakte haiñ

aap ke hath mein hai mujh se ta'alluq ka remote

aap chahen to ye channel bhi badal sakte hain

faqat ye lakḌī nahīñ hai tumhārī baisākhī

shajar ke haath kaTe haiñ ise banāne meñ

faqat ye lakDi nahin hai tumhaari baisakhi

shajar ke hath kaTe hain ise banane mein

tire kūche kī miTTī bā-vafā hai

mire pairoñ se lipTī jā rahī hai

tere kuche ki miTTi ba-wafa hai

mere pairon se lipTi ja rahi hai