kuchh mah-jabīñ libās ke fashion kī dauḌ meñ

pābandī-e-libās se aage nikal ga.e

kuchh mah-jabin libas ke fashion ki dauD mein

pabandi-e-libas se aage nikal gae

surūr-e-jāñ-fazā detī hai āġhosh-e-vatan sab ko

ki jaise bhī hoñ bachche maañ ko pyāre ek jaise haiñ

surur-e-jaan-faza deti hai aaghosh-e-watan sab ko

ki jaise bhi hon bachche man ko pyare ek jaise hain

iid par masrūr haiñ donoñ miyāñ biivī bahut

ik ḳharīdārī se pahle ik ḳharīdārī ke ba.ad

id par masrur hain donon miyan biwi bahut

ek KHaridari se pahle ek KHaridari ke baad

murġh par fauran jhapaT dāvat meñ varna ba.ad meñ

shorba aur gardanoñ kī haDDiyāñ rah jā.eñgī

murgh par fauran jhapaT dawat mein warna baad mein

shorba aur gardanon ki haDDiyan rah jaengi

faqat rañg hī un kā kaalā nahīñ hai

isī qism kī ḳhūbiyāñ aur bhī haiñ

faqat rang hi un ka kala nahin hai

isi qism ki KHubiyan aur bhi hain

aise lage hai naukrī māl-e-harām ke baġhair

jaise ho 'dāġh' kī ġhazal baada o jaam ke baġhair

aise lage hai naukri mal-e-haram ke baghair

jaise ho 'dagh' ki ghazal baada o jam ke baghair

rāz-o-niyāz meñ bhī akaḌ-fūñ nahīñ ga.ī

vo ḳhat bhī likh rahā hai to chālān kī tarah

raaz-o-niyaz mein bhi akaD-fun nahin gai

wo KHat bhi likh raha hai to chaalan ki tarah

saare shikve duur ho jaa.eñ jo qudarat sauñp de

merī dānā.ī tujhe aur terī nādānī mujhe

sare shikwe dur ho jaen jo qudarat saunp de

meri danai tujhe aur teri nadani mujhe

koī ḳhush-zauq hī 'shāhid' ye nukta jaan saktā hai

ki mere sher aur naḳhre tumhāre ek jaise haiñ

koi KHush-zauq hi 'shahid' ye nukta jaan sakta hai

ki mere sher aur naKHre tumhaare ek jaise hain

specialist pain-killer de to kaun saa?

''sāre jahāñ kā dard hamāre jigar meñ hai''

specialist pain-killer de to kaun sa?

sare jahan ka dard hamare jigar mein hai

ham ne to unheñ jāmia se naqd ḳharīdā

phir kis tarah ja.alī huiiñ asnād hamārī

hum ne to unhen jamia se naqd KHarida

phir kis tarah jali huin asnad hamari

is daur ke mardoñ kī jo kī shakl-shumārī

sābit huā duniyā meñ ḳhvātīn bahut haiñ

is daur ke mardon ki jo ki shakl-shumari

sabit hua duniya mein KHwatin bahut hain

'shāhid'-sāhib kahlāte haiñ mister bhī maulānā bhī

hazrat do kirdāroñ vaale herā-pherī karte haiñ

'shahid'-sahib kahlate hain mister bhi maulana bhi

hazrat do kirdaron wale hera-pheri karte hain

scent kī kajle kī aur ġhāze kī gul-kārī ke ba.ad

vo hasīñ lagtī hai lekin kitnī tayyārī ke ba.ad

scent ki kajle ki aur ghaze ki gul-kari ke baad

wo hasin lagti hai lekin kitni tayyari ke baad

bajaT kī ka.ī saḳhtiyāñ aur bhī haiñ

''abhī ishq ke imtihāñ aur bhī haiñ''

bajaT ki kai saKHtiyan aur bhi hain

abhi ishq ke imtihan aur bhi hain

mere afsāne sunātī hai mohalle bhar ko

ik yahī baat hai achchhī merī ham-sā.ī kī

mere afsane sunati hai mohalle bhar ko

ek yahi baat hai achchhi meri ham-sai ki

mahsūs huā sun ke taqārīr-e-muġhallaz

ab ahl-e-siyāsat meñ bhī chirkīn bahut haiñ

mahsus hua sun ke taqarir-e-mughallaz

ab ahl-e-siyasat mein bhi chirkin bahut hain

avāmunnās ko aise dabochā hai girānī ne

ki jaise cat ke panje meñ koī rat hotā hai

awamunnas ko aise dabocha hai girani ne

ki jaise cat ke panje mein koi rat hota hai

hai mubtalā-e-ishq-e-butāñ merā doctor

jo mujh meñ virus hai vahī chāra-gar meñ hai

hai mubtala-e-ishq-e-butan mera doctor

jo mujh mein wirus hai wahi chaara-gar mein hai

aise miltā hai chunariyā se hairband kā rañg

jis tarah suiT se matching hai mirī tie kī

aise milta hai chunariya se hairband ka rang

jis tarah suiT se matching hai meri tie ki

na khīñcho abhī haath khāne se 'shāhid'

polāv meñ kuchh boTiyāñ aur bhī haiñ

na khincho abhi hath khane se 'shahid'

polaw mein kuchh boTiyan aur bhi hain

ḳhud afsāna banī baiThī hai jo afsāna paḌhtī thī

yahī college hai vo hamdam jahāñ sultāna paḌhtī thī

KHud afsana bani baiThi hai jo afsana paDhti thi

yahi college hai wo hamdam jahan sultana paDhti thi

aqd-e-sānī kā mazā pūchā to bole shaiḳh-jī

aise lagtā hai chikan chakkhā hai tarkārī ke ba.ad

aqd-e-sani ka maza pucha to bole shaiKH-ji

aise lagta hai chikan chakkha hai tarkari ke baad