bahār aa.e to ḳhud hī laala o nargis batā deñge

ḳhizāñ ke daur meñ dilkash gulistānoñ pe kyā guzrī

bahaar aae to KHud hi lala o nargis bata denge

KHizan ke daur mein dilkash gulistanon pe kya guzri

der se aa rahī hai yaad tirī

kyā tujhe yaad aa rahā huuñ maiñ

der se aa rahi hai yaad teri

kya tujhe yaad aa raha hun main

dil kī bastī ajiib bastī hai

ye ujaḌne ke ba.ad bastī hai

dil ki basti ajib basti hai

ye ujaDne ke baad basti hai

jaane vaale kabhī nahīñ aate

jaane vāloñ kī yaad aatī hai

jaane wale kabhi nahin aate

jaane walon ki yaad aati hai

ḳhudā shāhid hai mere bhūlne vaale ba-juz tere

mujhe taḳhlīq-e-ālam rā.egāñ ma.alūm hotī hai

KHuda shahid hai mere bhulne wale ba-juz tere

mujhe taKHliq-e-alam raegan malum hoti hai