سہیل نقش

سہیل نقش کا تعارف

تخلص : 'نقش'

اصلی نام : محمد سہیل

پیدائش : 18 Jan 1962 | کراچی, سندھ

شناخت: شاعر، ادیب

ڈاکٹر محمد سہیل اپنے قلمی نام سہیل نقش سے معروف ہیں، اردو کے معاصر شعرا میں شمار ہوتے ہیں۔ ان کی شاعری میں زندگی کے مختلف تجربات، انسانی جذبات اور معاشرتی مسائل کی عکاسی نمایاں طور پر نظر آتی ہے۔ سادہ، رواں اور بے تکلف اندازِ بیان ان کی شاعری کی خاص پہچان ہے۔

ڈاکٹر محمد سہیل 18 جنوری 1962ء کو کراچی میں پیدا ہوئے۔ ان کے والدین کا تعلق دہلی کے قدیم علاقوں صدر بازار اور پہاڑ گنج سے تھا اور دونوں جانب سے ان کی مادری زبان اردو ہے۔ انہوں نے طویل عرصہ بیرونِ ملک گزارا؛ تقریباً بیس برس سعودی عرب کے شہر جدہ میں مقیم رہے اور گزشتہ چند برسوں سے انقرہ (ترکیہ) میں رہائش پذیر ہیں۔

سہیل نقش کو شاعری کا شوق زمانۂ طالب علمی ہی سے تھا۔ ان کے خاندان میں بھی شعری روایت موجود رہی، ان کے چچا نعت گو شاعر تھے اور دادا بھی شعر کہتے تھے، اگرچہ بدقسمتی سے ان کا کلام محفوظ نہ رہ سکا۔

ان کا پہلا شعری مجموعہ “نقشِ سخن” ان کی تخلیقی شخصیت کی نمائندگی کرتا ہے۔ اس مجموعے میں شاعر نے انسانی زندگی کے مسائل، داخلی و خارجی کیفیات اور معاشرتی صورتِ حال کو فنکارانہ مہارت کے ساتھ بیان کیا ہے۔ ان کی شاعری میں سادہ اور روزمرہ زبان کے ساتھ ساتھ جذبوں کی صداقت، فکر کی گہرائی اور اسلوب کی تازگی نمایاں ہے۔ انہوں نے کسی خاص مکتب یا شاعر کی تقلید کے بجائے اپنے منفرد اندازِ اظہار کو اپنایا ہے، جس میں سلاست، روانی اور فکری وسعت کا حسین امتزاج ملتا ہے۔

مجموعۂ “نقشِ سخن” میں شامل مختلف موضوعات اور احساسات ایک مربوط اکائی کی صورت میں قاری تک پہنچتے ہیں اور اپنے اثرات مرتب کرتے ہیں۔ اسی بنا پر ادبی حلقوں میں ان کے اس مجموعے کو قدر کی نگاہ سے دیکھا گیا اور اس کی اشاعت پر ادبی اداروں اور حلقوں کی جانب سے انہیں مبارکباد بھی پیش کی گئی۔

تمام

تعارف

ای-کتاب2

ای-کتاب2

سہیل نقش کا تعارف

Recitation

join rekhta family!

Rekhta Foundation

Rekhta Dictionary

Sufinama

Hindwi

Rekhta Learning

Rekhta Books