عنوان چشتی کی شاعری

عنوان چشتی کے اشعار

1.2K
Favorite

باعتبار

مقبولیت

میں کس طرح تجھے الزام بے وفائی دوں

رہ وفا میں ترے نقش پا بھی ملتے ہیں

پریشاں ہو کے دل ترک تعلق پر ہے آمادہ

محبت میں یہ صورت بھی نہ راس آئی تو کیا ہوگا

وہ حادثے بھی دہر میں ہم پر گزر گئے

جینے کی آرزو میں کئی بار مر گئے

آپ سے چوک ہو گئی شاید

آپ اور مجھ پہ مہرباں کیا خوب

عشق پھر عشق ہے آشفتہ سری مانگے ہے

ہوش کے دور میں بھی جامہ دری مانگے ہے

مری سمجھ میں آ گیا ہر ایک راز زندگی

جو دل پہ چوٹ پڑ گئی تو دور تک نظر گئی

حسن ہی تو نہیں بیتاب نمائش عنواںؔ

عشق بھی آج نئی جلوہ گری مانگے ہے

اس کار نمایاں کے شاہد ہیں چمن والے

گلشن میں بہاروں کو لائے تھے ہمیں پہلے

رہنے دے تکلیف توجہ دل کو ہے آرام بہت

ہجر میں تیری یاد بہت ہے غم میں تیرا نام بہت

کچھ تو بتاؤ اے فرزانو دیوانوں پر کیا گزری

شہر تمنا کی گلیوں میں برپا ہے کہرام بہت