عثمان ناظر

عثمان ناظر کا تعارف

تخلص : 'عثمان ناظر'

اصلی نام : محمد عثمان

محمد عثمان، جن کا قلمی نام عثمان ناظر ہے، پاکستان کے ضلع اٹک کی تحصیل جنڈ میں پیدا ہوئے۔ ابتدائی تعلیم جنڈ ہی سے حاصل کی اور 2000 میں گورنمنٹ ہائیر سیکنڈری سکول جنڈ (اٹک) سے میٹرک کا امتحان امتیازی نمبروں سے پاس کیا۔ نومبر 2001 میں واہ کینٹ کے پی او ایف انسٹی ٹیوٹ آف ٹیکنالوجی کے زیرِ اہتمام شائع ہونے والے ایک ادبی رسالے میں ان کی پہلی غزل شائع ہوئی، جو ان کے ادبی سفر کا باقاعدہ آغاز ثابت ہوئی۔
پیشہ ورانہ تربیت کے دورا ن تربیت گاہ کے رسالے میں بطور نائب مدیر خدمات انجام دیں۔ اس کےبعد کراچی میں قیام کے دوران ریڈیو ایف ایم کے پروگرام ’’سخن ور‘‘ کے طرحی مشاعروں میں باقاعدگی سے شرکت کرتے رہے۔ انہوں نے 2014 میں ایم اے اردو پہلے درجے میں مکمل کیا اور 2021 میں ’’سعادت حسن آس کی اردو نعت گوئی‘‘ کے موضوع پر مقالہ لکھ کر ناردرن یونیورسٹی نوشہرہ سے ایم فل اردو کی ڈگری حاصل کی۔
عثمان ناظر کا تعلق مختلف ادبی تنظیموں سے رہا ہے اور ان کا کلام متعدد ادبی رسائل میں شائع ہو چکا ہے۔ معروف شاعر ظفر اقبال نے بھی اپنے کالمز میں ان کے کلام کو سراہا۔ 2021 میں اٹک سے شائع ہونے والے رسالے ’’دھنک رنگ‘‘ میں ’’اٹک کے غزل گو‘‘ کے عنوان کے تحت ان کا تعارف اور منتخب کلام پیش کیا گیا۔
وہ بنیادی طور پر غزل کے شاعر ہیں، تاہم نعت، نظم اور نثر میں بھی کامیاب طبع آزمائی کر چکے ہیں۔ ان کا ایک افسانہ اور ایک خاکہ بھی شائع ہو چکا ہے۔ ان کا پہلا شعری مجموعہ ’’حیرانی‘‘ ستمبر 2024 میں منظرِ عام پر آیا، جسے سنجیدہ ادبی حلقوں میں پذیرائی حاصل ہوئی۔
عثمان ناظر کی نعتیہ شاعری میں تغزل کا خوبصورت رنگ نمایاں ہے۔ وہ روایت سے ہٹ کر نعت کہنے کی سعی کرتے ہیں اور مستقبل میں ایک نعتیہ مجموعہ شائع کرنے کا ارادہ رکھتے ہیں۔

موضوعات

مصنف

تمام

تعارف

غزل12

عثمان ناظر کا تعارف

موضوعات

Recitation

join rekhta family!

Rekhta Foundation

Rekhta Dictionary

Sufinama

Hindwi

Rekhta Learning

Rekhta Books