گرنتھ اک پریم کا پڑھا مجھ کو

اور کتابوں کا گیان رہنے دے

میرے دکھ کی دوا بھی رکھتا ہے

خود کو مجھ سے جدا بھی رکھتا ہے

وہ جسم روح خلا آسمان ہے کیا ہے

کہ رنگ کوئی ہو اس سے جدا نہیں ملتا

دیوار و در سا چاہیے دیوار و در مجھے

دیوانگی میں یاد نہیں اپنا گھر مجھے

اسی کے شعر سبھی اور اسی کے افسانے

اسی کی پیاس کا بادل گھٹا میں آیا ہے

اسیر زلف کو شاید یہیں رہائی ہے

پکارتا ہوں جسے وہ صدا میں آیا ہے

اسے تم چاند سے تشبیہ دینا

کہ اس کے ہاتھ میں خنجر کھلا تھا

میں انساں تھا خدا ہونے سے پہلے

انا الحق کی انا ہونے سے پہلے

لطف منزل حوصلوں سے آ لگا تھا گام گام

تو سفر میں ساتھ تھا تو راستہ اچھا لگا

دل جو اب شور کرتا رہتا ہے

کس قدر بے زبان تھا پہلے

آگ دریا کو اشاروں سے لگانے والا

اب کے روٹھا ہے بہت مجھ کو منانے والا