ظفر صہبائی کی شاعری

ظفر صہبائی کے اشعار

جب ادھورے چاند کی پرچھائیں پانی پر پڑی

روشنی اک نا مکمل سی کہانی پر پڑی

دلوں کے بیچ نہ دیوار ہے نہ سرحد ہے

دکھائی دیتے ہیں سب فاصلے نظر کے مجھے

یہ عمل ریت کو پانی نہیں بننے دیتا

پیاس کو اپنی سرابوں سے الگ رکھتا ہوں

جو پڑھا ہے اسے جینا ہی نہیں ہے ممکن

زندگی کو میں کتابوں سے الگ رکھتا ہوں

خدائے امن جو کہتا ہے خود کو

زمیں پر خود ہی مقتل لکھ رہا ہے

شکایتوں کی ادا بھی بڑی نرالی ہے

وہ جب بھی ملتا ہے جھک کر سلام کرتا ہے

جھوٹ بھی سچ کی طرح بولنا آتا ہے اسے

کوئی لکنت بھی کہیں پر نہیں آنے دیتا