ajnabī log haiñ maiñ jin meñ ghirā rahtā huuñ

āshnā koī yahāñ mere fasāne kā nahīñ

ajnabi log hain main jin mein ghira rahta hun

aashna koi yahan mere fasane ka nahin

ek muddat se use dekh rahā huuñ 'ahmad'

aur lagtā hai abhī ek jhalak dekhā hai

ek muddat se use dekh raha hun 'ahmad'

aur lagta hai abhi ek jhalak dekha hai

hotā na koī kār-e-zamāna mire supurd

bas apne kārobār-e-mohabbat ko dekhtā

hota na koi kar-e-zamana mere supurd

bas apne karobar-e-mohabbat ko dekhta

kyā baat karūñ jo bāteñ tum se karnī thiiñ

ab un bātoñ kā vaqt nahīñ kyā baat karūñ

kya baat karun jo baaten tum se karni thin

ab un baaton ka waqt nahin kya baat karun

uḌtī hai ḳhaak dil ke darīchoñ ke ās-pās

shāyad makīn koī nahīñ is makān meñ

uDti hai KHak dil ke darichon ke aas-pas

shayad makin koi nahin is makan mein