aata hi nahin hone ka yaqin kya baat karun

aatā hī nahīñ hone kā yaqīñ kyā baat karūñ

hai duur bahut vo ḳhvāb-nashīñ kyā baat karūñ

kyā baat karūñ jo aks thā merī āñkhoñ meñ

vo chhoḌ gayā ik shaam kahīñ kyā baat karūñ

kyā baat karūñ jo ghaḌiyāñ merī hamdam thiiñ

vo ghaḌiyāñ hī āzār banīñ kyā baat karūñ

kyā baat karūñ mire sāthī mujh se chhūT ga.e

vo log nahīñ vo ḳhvāb nahīñ kyā baat karūñ

kyā baat karūñ ye log bhalā kab sunte haiñ

sab bāteñ andar Duub ga.iiñ kyā baat karūñ

kyā baat karūñ apnoñ kī jitnī lāsheñ thiiñ

mire siine meñ sab aan girīñ kyā baat karūñ

kyā baat karūñ jo bāteñ tum se karnī thiiñ

ab un bātoñ kā vaqt nahīñ kyā baat karūñ

kyā baat karūñ kabhī paanī bāteñ kartā thā

ye dariyā is kī ḳhushk zamīñ kyā baat karūñ

kyā baat karūñ sahrā meñ chāñd akelā hai

aur mere saath bhī koī nahīñ kyā baat karūñ

kyā baat karūñ 'rizvān' ki ronā aatā hai

sab bāteñ us kī baat se thiiñ kyā baat karūñ

aata hi nahin hone ka yaqin kya baat karun

hai dur bahut wo KHwab-nashin kya baat karun

kya baat karun jo aks tha meri aankhon mein

wo chhoD gaya ek sham kahin kya baat karun

kya baat karun jo ghaDiyan meri hamdam thin

wo ghaDiyan hi aazar banin kya baat karun

kya baat karun mere sathi mujh se chhuT gae

wo log nahin wo KHwab nahin kya baat karun

kya baat karun ye log bhala kab sunte hain

sab baaten andar Dub gain kya baat karun

kya baat karun apnon ki jitni lashen thin

mere sine mein sab aan girin kya baat karun

kya baat karun jo baaten tum se karni thin

ab un baaton ka waqt nahin kya baat karun

kya baat karun kabhi pani baaten karta tha

ye dariya is ki KHushk zamin kya baat karun

kya baat karun sahra mein chand akela hai

aur mere sath bhi koi nahin kya baat karun

kya baat karun 'rizwan' ki rona aata hai

sab baaten us ki baat se thin kya baat karun