وہ لڑکی اب بھی راضی ہے مگر شادی کرے کیسے

کہ اس لڑکی کا جو پوتا ہے وہ راضی نہیں ہوتا

کچھ بھی پیتے نہیں یہ قوم کی یخنی کے سوا

ناشتہ ملت بیضا کا کیا کرتے ہیں

بہت مشکل تھا جن کو ڈھونڈنا میک اپ کے ملبے سے

سو اندازے سے ان کا بانکپن لکھنا پڑا مجھ کو

مری مجبوریوں نے نازکی کا خون کر ڈالا

ہر اک گوبھی بدن کو گل بدن لکھنا پڑا مجھ کو

چھوڑا ہے جب سے پردہ مردا گئی ہے عورت

رد و بدل ہے کیا کیا یہ عرض پھر کروں گا

عرق النسا کا نسخہ مہر النسا نے لکھا

نسخے میں کیا لکھا تھا یہ عرض پھر کروں گا

پتہ مشکل سے چلتا ہے مذکر اور مؤنث کا

کبھی معلوم ہوتا ہے کبھی معلوم ہوتی ہے

جنہیں ساڑی میں آنا تھا وہ پتلونوں میں آئیں تھیں

تمیز مرد و زن دشوار تھی کل شب جہاں میں تھا

ہماری عمر اب ایسی ہے ہم سیٹی نہیں سنتے

رکا کرتے تھے خوش ہو کر کبھی سیٹی بجانے پر

سمجھو ہو کہاں اوروں کو تم اپنے برابر

بس منہ سے مساوات مساوات کرو ہو

بسا اوقات حرمت بھی قلم کی داؤ پر رکھ دی

لٹیروں کو محبان وطن لکھنا پڑا مجھ کو

نہ شاہیں زیر دام آیا تو اس حد تک اتر آئیں

کوئی موچی کوئی دھوبی کوئی حجام آ جائے

اٹھے کہاں بیٹھے کہاں کب آئے گئے کب

بیگم کی طرح تم بھی حسابات کرو ہو

زلیخائیں بضد تھیں ایک یوسف کے لیے یارو

بڑی ہی گرمئ بازار تھی کل شب جہاں میں تھا

جب دیا دل تو بولیں رہنے دو

اس تکلف کی کیا ضرورت ہے

وہ چٹکی بھر کے کہتے ہیں سناؤ چٹکلا کوئی

میں چٹکی لے کے کہتا ہوں سنو اشعار چٹکی میں

رکے جس دم وہ دم لینے تو صدر انجمن بولیں

ہماری نسل آئندہ بھی اب آنے ہی والی ہے

سنا ہے موڈ میں بارہ بجے وہ آتا ہے

سو اس کے موڈ سے پہلے کھسک کے دیکھتے ہیں

کسی مس سے جو نادانی میں کچھ مسٹیک ہو جائے

دعا کرتے ہیں نادانی بھی فال نیک ہو جائے

سنا ہے اس کو بہت سے اچکے دیکھتے ہیں

سو ہم بھی دامن تقویٰ جھٹک کے دیکھتے ہیں