rāste bhar mirī ham-safarī kā dam bharte rahe

apnī manzil pe pahuñchte hī parā.e hue log

raste bhar meri ham-safari ka dam bharte rahe

apni manzil pe pahunchte hi parae hue log

vo dīvāroñ meñ chunvāne kā manzar ab nahīñ dikhtā

mohabbat par magar bandish jo pahle thī so ab bhī hai

wo diwaron mein chunwane ka manzar ab nahin dikhta

mohabbat par magar bandish jo pahle thi so ab bhi hai

muflisī thī aur ham the ghar ke iklaute charāġh

varna aisī raushnī karte ke duniyā dekhtī

muflisi thi aur hum the ghar ke iklaute charagh

warna aisi raushni karte ke duniya dekhti

sard-mehrī aap kī rishte meñ haa.il ho ga.ī

varna ham vo āshiqī karte ke duniyā dekhtī

sard-mehri aap ki rishte mein hail ho gai

warna hum wo aashiqi karte ke duniya dekhti

raajā kā beTā raajā nahīñ bantā bante ham

bas is liye kahānī meñ maarā gayā hameñ

raja ka beTa raja nahin banta bante hum

bas is liye kahani mein mara gaya hamein

aisā na ho ki dostī bhī jaa.e haath se

ham haath meñ gulāb liye sochte rahe

aisa na ho ki dosti bhi jae hath se

hum hath mein gulab liye sochte rahe

zarā sā vaqt jo badlā to ham pe hañsne lage

hamāre kāñdhe pe sar rakh ke rone vaale log

zara sa waqt jo badla to hum pe hansne lage

hamare kandhe pe sar rakh ke rone wale log

yahī ik baat ab donoñ kī peshānī pe likkhī hai

mujhe terī zarūrat hai mujhe terī zarūrat hai

yahi ek baat ab donon ki peshani pe likkhi hai

mujhe teri zarurat hai mujhe teri zarurat hai

is parā.e shahr meñ ai kaash koī ye kahe

raat kā khānā hamāre saath khānā hai tumheñ

is parae shahr mein ai kash koi ye kahe

raat ka khana hamare sath khana hai tumhein

ham 'jaun-eliyā' ke zamāne meñ dosto

'ġhālib' kā intiḳhāb liye sochte rahe

hum 'jaun-eliya' ke zamane mein dosto

'ghaalib' ka intiKHab liye sochte rahe

log ham se sīkhte haiñ ġham chhupāne kā hunar

aao tum ko bhī sikhā deñ muskurāne kā hunar

log hum se sikhte hain gham chhupane ka hunar

aao tum ko bhi sikha den muskurane ka hunar

hijratoñ ke karb ko aise chhupānā hai tumheñ

koī jab bhī haal pūchhe muskurānā hai tumheñ

hijraton ke karb ko aise chhupana hai tumhein

koi jab bhi haal puchhe muskurana hai tumhein

shikasta naav samajh kar Dubone vaale log

na pā sake mujhe sāhil pe khone vaale log

shikasta naw samajh kar Dubone wale log

na pa sake mujhe sahil pe khone wale log

āñkhoñ meñ apnī ḳhvāb liye sochte rahe

jaise koī kitāb liye sochte rahe

aankhon mein apni KHwab liye sochte rahe

jaise koi kitab liye sochte rahe

kyā ġhazab hai tajrabe kī bheñT tum hī chaḌh ga.e

tum se hī sīkhā thā ham ne dil dukhāne kā hunar

kya ghazab hai tajrabe ki bhenT tum hi chaDh gae

tum se hi sikha tha hum ne dil dukhane ka hunar