kuchh is adā se mohabbat-shanās honā hai

ḳhushī ke baab meñ mujh ko udaas honā hai

kuchh is ada se mohabbat-shanas hona hai

KHushi ke bab mein mujh ko udas hona hai

ye āshiqī tire bas kī nahīñ so rahne de

ki terā kaam to bas nā-sipās honā hai

ye aashiqi tere bas ki nahin so rahne de

ki tera kaam to bas na-sipas hona hai

tumhārī guftugū se bhī aziiz hai mujh ko

akele baiThnā aur ḳhud pe tabsira karnā

tumhaari guftugu se bhi aziz hai mujh ko

akele baiThna aur KHud pe tabsira karna

us ne ik baar to jhāñkā bhī thā mujh meñ lekin

us se dekhī na ga.ī vus.at-e-tanhā.ī mirī

us ne ek bar to jhanka bhi tha mujh mein lekin

us se dekhi na gai wusat-e-tanhai meri

azal se merī hifāzat kā farz hai un par

sabhī dukhoñ ko mere ās-pās honā hai

azal se meri hifazat ka farz hai un par

sabhi dukhon ko mere aas-pas hona hai

maiñ aaj sog manānā sikhāne vaalā huuñ

idhar ko aa.eñ jinheñ mahv-e-yās honā hai

main aaj sog manana sikhane wala hun

idhar ko aaen jinhen mahw-e-yas hona hai