کچھ اس ادا سے محبت شناس ہونا ہے

خوشی کے باب میں مجھ کو اداس ہونا ہے

یہ عاشقی ترے بس کی نہیں سو رہنے دے

کہ تیرا کام تو بس نا سپاس ہونا ہے

تمہاری گفتگو سے بھی عزیز ہے مجھ کو

اکیلے بیٹھنا اور خود پہ تبصرہ کرنا

اس نے اک بار تو جھانکا بھی تھا مجھ میں لیکن

اس سے دیکھی نہ گئی وسعت تنہائی مری

ازل سے میری حفاظت کا فرض ہے ان پر

سبھی دکھوں کو میرے آس پاس ہونا ہے

میں آج سوگ منانا سکھانے والا ہوں

ادھر کو آئیں جنہیں محو یاس ہونا ہے