آج پھر اس دل نشیں پر آ گیا ہے
آج پھر اس دل نشیں پر آ گیا ہے
دل جہاں تھا پھر وہیں پر آ گیا ہے
ایک شہزادے خدا کے آسرے پر
کوفیوں کی سرزمیں پر آ گیا ہے
سر نگوں جب سے کیا ہے تیرے آگے
آسماں میری جبیں پر آ گیا ہے
وہ جو کل تک ہاں میں ہاں کرتا تھا میری
آج تو وہ بھی نہیں پر آ گیا ہے
خواب میں ابلیس نے آ کر بتایا
آدمی آدم کے دیں پر آ گیا ہے
تجھ سے پہلے بھی مکاں خالی نہیں تھا
تو مگر اس کے مکیں پر آ گیا ہے
مجھ سے مومنؔ کا پتہ کیا پوچھتے ہو
آنکھ کھولو وہ یہیں پر آ گیا ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
