aam hai izn ki jo chaho hawa par likh do

aam hai izn ki jo chāho havā par likh do

ishq zinda hai zarā dast-e-sabā par likh do

aa rahe haiñ sabhī apnoñ sabhī ġhairoñ ke salām

tum bhī dushnām koī merī qabā par likh do

phir jalā hai kisī āñgan meñ koī taaza charāġh

phir koī qatl kisī dast-e-jafā par likh do

hausla sab ne baḌhāyā hai mire munsif kā

tum bhī in.aam koī merī sazā par likh do

roz likh likh ke jo dastār pe laate haiñ sipās

ḳhuld un ko bhī koī nām-e-ḳhudā par likh do

āñdhiyāñ tez haiñ maiñ ābla-pā tum tanhā

ab bhī chāho to mirā naam ridā par likh do

aam hai izn ki jo chaho hawa par likh do

ishq zinda hai zara dast-e-saba par likh do

aa rahe hain sabhi apnon sabhi ghairon ke salam

tum bhi dushnam koi meri qaba par likh do

phir jala hai kisi aangan mein koi taza charagh

phir koi qatl kisi dast-e-jafa par likh do

hausla sab ne baDhaya hai mere munsif ka

tum bhi inam koi meri saza par likh do

roz likh likh ke jo dastar pe late hain sipas

KHuld un ko bhi koi nam-e-KHuda par likh do

aandhiyan tez hain main aabla-pa tum tanha

ab bhi chaho to mera nam rida par likh do