دل کی بستی میں برستا ہے وہ بادل کون ہے
دل کی بستی میں برستا ہے وہ بادل کون ہے
کر رہا ہے جو مری آنکھوں کو جل تھل کون ہے
چاند سورج کہکشاں کی پوچھتا ہے خیریت
سب کے گھر میں جھانکنے والا یہ پاگل کون ہے
کون ہے وہ جس کی خوشبو سے مہکتی ہے حیات
گھولنے والا مری سانسوں میں صندل کون ہے
دھوپ بارش آندھیوں میں سائباں ہوتا ہے کون
پھول کو دیتا ہے جو ممتا کا آنچل کون ہے
رات کے بستر بھگو جاتا ہے شبنم کی طرح
دھونے والا نیند کی آنکھوں سے کاجل کون ہے
شبنمی ہے گفتگو اس کی تو لہجہ ہے گلاب
پنکھڑی سا نرم اتنا اور کومل کون ہے
دل کے ویرانے میں چپکے سے چلا آتا ہے کون
غم کی بستی میں مچاتا ہے جو ہلچل کون ہے
رہ گئی ہے کچھ کمی تو کیا شکایت ہے فہیمؔ
اس جہاں میں سب ادھورے ہیں مکمل کون ہے
مأخذ:
ادھوری بات (Pg. 47)
- مصنف: فہیم جوگاپوری
-
- ناشر: رحمانیہ فاؤنڈیشن، بہار
- سن اشاعت: 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
