dil tha pahlu mein to kahte the tamanna kya hai

Tauseef Tabassum

dil tha pahlu mein to kahte the tamanna kya hai

Tauseef Tabassum

MORE BYTauseef Tabassum

    dil thā pahlū meñ to kahte the tamannā kyā hai

    ab vo āñkhoñ meñ talātum hai ki dariyā kyā hai

    shauq kahtā hai ki har jism ko sajda kiije

    aañkh kahtī hai ki ne abhī dekhā kyā hai

    TuuT kar shāḳh se ik barg-e-ḳhizāñ-āmāda

    sochtā hai ki guzartā huā jhoñkā kyā hai

    kyā ye sach hai ki ḳhizāñ meñ bhī chaman khilte haiñ

    mere dāman meñ lahū hai to mahaktā kyā hai

    dil pe qaabū ho to ham bhī sar-e-mahfil dekheñ

    vo ḳham-e-zulf hai kyā sūrat-e-zebā kyā hai

    Thahro aur ek nazar vaqt tahrīr paḌho

    reg-e-sāhil pe ram-e-mauj ne likhā kyā hai

    koī rahbar hai na rasta hai na manzil 'tausīf'

    ham ki gard-e-rah-e-sar-sar haiñ hamārā kyā hai

    dil tha pahlu mein to kahte the tamanna kya hai

    ab wo aankhon mein talatum hai ki dariya kya hai

    shauq kahta hai ki har jism ko sajda kije

    aankh kahti hai ki tu ne abhi dekha kya hai

    TuT kar shaKH se ek barg-e-KHizan-amada

    sochta hai ki guzarta hua jhonka kya hai

    kya ye sach hai ki KHizan mein bhi chaman khilte hain

    mere daman mein lahu hai to mahakta kya hai

    dil pe qabu ho to hum bhi sar-e-mahfil dekhen

    wo KHam-e-zulf hai kya surat-e-zeba kya hai

    Thahro aur ek nazar waqt ki tahrir paDho

    reg-e-sahil pe ram-e-mauj ne likha kya hai

    koi rahbar hai na rasta hai na manzil 'tausif'

    hum ki gard-e-rah-e-sar-sar hain hamara kya hai

    Source :
    • Book : Range-e-Gazal (Pg. 158)
    • Author : shahzaad ahmad
    • Publication : Ali Printers, 19-A Abate Road, Lahore (1988)
    • Edition : 1988
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY