ہر ورق اک کتاب ہو جائے
ہر ورق اک کتاب ہو جائے
عکس جلوہ نقاب ہو جائے
پھول دیکھا تھا خواب میں کل اک
آج تعبیر خواب ہو جائے
خود بخود تیری لے پہ بجنے لگے
سانس تار رباب ہو جائے
ایک مشکل کا وقت وہ ہوگا
جب دعا مستجاب ہو جائے
اک قیامت ہے آپ کا وعدہ
چلئے یہ بھی عذاب ہو جائے
مجھ کو کانٹوں پہ تولنے والے
تو شگفتہ گلاب ہو جائے
سجدۂ عشق کر ادا طرزیؔ
یہ بھی کار ثواب ہو جائے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
