ہونے والا تھا اک حادثہ رہ گیا
کل کا سب سے بڑا واقعہ رہ گیا
رات آنگن میں اتری نہیں چاندنی
چاند شاخوں میں الجھا ہوا رہ گیا
ہم نے کہہ سن لیا مطمئن ہو گئے
اور اب کہنے سننے کو کیا رہ گیا
صبح ہوگی کہانی بنے گی کوئی
زندگی کا یہی مسئلہ رہ گیا
میں نے نفرت کی کھائی پہ پل رکھ دیا
پھر بھی ٹوٹا ہوا سلسلہ رہ گیا
سب ڈرامے کے کردار گھر چل دیے
سامنے ایک پردہ پڑا رہ گیا
یہ بھی تکلیف دہ اک سزا ہی تو ہے
شاخ میں ایک پتا ہرا رہ گیا
میں کسی کے یہاں وقت کیا کاٹتا
اپنا ہی گھر شفقؔ ڈھونڈھتا رہ گیا
مأخذ:
Shahr Aainda (Pg. 10)
- مصنف: Farooq Shafaq
-
- اشاعت: 1988
- ناشر: Insha Publications, Kolkata
- سن اشاعت: 1988
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
