aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

عشقیؔ صاحب لکھنا ہے تو کوئی نئی تحریر لکھو

الیاس عشقی

عشقیؔ صاحب لکھنا ہے تو کوئی نئی تحریر لکھو

الیاس عشقی

MORE BYالیاس عشقی

    عشقیؔ صاحب لکھنا ہے تو کوئی نئی تحریر لکھو

    اب تک تم نے خواب لکھے اب خوابوں کی تعبیر لکھو

    اس الجھن کو سلجھانے کی کون سی ہے تدبیر لکھو

    عشق اگر ہے جرم تو مجرم رانجھا ہے یا ہیر لکھو

    جہاں بھی قصر شیریں دیکھو خسروؔ کی جاگیر لکھو

    کوہ جہاں حائل ہوا اس پر خوں سے جوئے شیر لکھو

    دشت سے آزادی کی ہوائیں ان کو بلانے آتی ہیں

    اہل جنوں کو روکنے والی کون سی ہے زنجیر لکھو

    شہر سخن کے عزت دارو کچھ تو کسی کا پاس کرو

    کوئی تو ہوگا جس کو آخر تم صاحب توقیر لکھو

    ہم وطنوں کے درد کا درماں ایسا کچھ دشوار نہیں

    نام وطن ہے اسم اعظم خاک وطن اکسیر لکھو

    اپنی کمندیں پھینک کے جس کو قید کیا ہے ظلمت نے

    وہ سورج کب ابھرے گا کب پھیلے گی تنویر لکھو

    اپنے عہد کی سفاکی پر یہ خاموشی طنز نہیں

    کوئی تو ہوگا اس کا سبب کیوں بیٹھے ہو دلگیر لکھو

    جب تک سر سے خوں نہ بہے گا کوہ کنی ہے خام خیال

    تیشے کو خلاق کہو یا پتھر کو تصویر لکھو

    ڈھا دے جو انسان کے دل میں رنگ و نسل کی دیواریں

    کوئی تو دستور محبت ایسا عالم گیر لکھو

    ہر ہر دور کے لکھنے والے حاشیے اس کے لکھتے ہیں

    اپنے عہد میں نسخۂ دل کی تم بھی کوئی تفسیر لکھو

    حرف کی طاقت بے پایاں ہے حرف کے ہیں امکان بہت

    حرف کو زندہ کرنا سیکھو پھر چاہے تقدیر لکھو

    دل پر جس کے نقش نہ ابھریں وہ کیا ابرو کیسی نظر

    کتنا ہی تم تیر نظر کو ابرو کو شمشیر لکھو

    روشن کیسے ہوگا سواد حرف جو خون دل نہ جلا

    چربہ تم غالبؔ کا اتارو چاہے برنگ میرؔ لکھو

    اپنے دکھڑے لکھ لکھ کر دیوان تو تم نے جمع کیا

    دل کو جو بدلے اب کوئی ایسا شعر پر تاثیر لکھو

    مأخذ:

    Monthly Usloob (Pg. 369)

    • مصنف: Mushfiq Khawaja
      • اشاعت: Oct. õ Nov. 1983,Issue No. 5-6
      • ناشر: Usloob 3D 9—26 Nazimabad karachi   180007
      • سن اشاعت: Oct. õ Nov. 1983,Issue No. 5-6

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    بولیے