jab sajile KHiram karte hain

Faez Dehlvi

jab sajile KHiram karte hain

Faez Dehlvi

MORE BY Faez Dehlvi

    jab sajīle ḳhirām karte haiñ

    har taraf qatl-e-ām karte haiñ

    mukh dikhā chhab banā libās sañvār

    āshiqoñ ko ġhulām karte haiñ

    ye chakore mil us sirījan suuñ

    raat din apnā kaam karte haiñ

    yaar ko āshiqān-e-sāhab-fan

    ek dekhe meñ raam karte haiñ

    gardish-e-chashm suuñ sirījan sab

    bazm meñ kār-e-jām karte haiñ

    ye nahīñ nek taur ḳhūbāñ ke

    āshnā.ī ko aam karte haiñ

    ko karte haiñ āshiqāñ taslīm

    jab vo hañs kar salām karte haiñ

    murġh-e-dil ke shikār karne kuuñ

    zulf o kākul ko daam karte haiñ

    shoḳh merā butāñ meñ jab jaave

    us ko apnā imaam karte haiñ

    ḳhūb-rū āshnā haiñ 'fā.ez' ke

    mil sabī raam raam karte haiñ

    jab sajile KHiram karte hain

    har taraf qatl-e-am karte hain

    mukh dikha chhab bana libas sanwar

    aashiqon ko ghulam karte hain

    ye chakore mil us sirijan sun

    raat din apna kaam karte hain

    yar ko aashiqan-e-sahab-fan

    ek dekhe mein ram karte hain

    gardish-e-chashm sun sirijan sab

    bazm mein kar-e-jam karte hain

    ye nahin nek taur KHuban ke

    aashnai ko aam karte hain

    ji ko karte hain aashiqan taslim

    jab wo hans kar salam karte hain

    murgh-e-dil ke shikar karne kun

    zulf o kakul ko dam karte hain

    shoKH mera butan mein jab jawe

    us ko apna imam karte hain

    KHub-ru aashna hain 'faez' ke

    mil sabi ram ram karte hain

    RECITATIONS

    Fasih Akmal

    Fasih Akmal

    Fasih Akmal

    jab sajile KHiram karte hain Fasih Akmal

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY