jhamak dikhate hi us dil-ruba ne luT liya

Nazeer Akbarabadi

jhamak dikhate hi us dil-ruba ne luT liya

Nazeer Akbarabadi

MORE BY Nazeer Akbarabadi

    jhamak dikhāte us dil-rubā ne luuT liyā

    hameñ to pahle us adā ne luuT liyā

    nigah ke Thag lagāvaT ne fan se kar ġhāfil

    hañsī ne Daal phāñsī duā ne luuT liyā

    vafā jafā ne ye jañg-e-zar-garī ham se

    vafā ne bātoñ lagāyā jafā ne luuT liyā

    luTe ham us galī meñ to yuuñ pukāre log

    ki ik faqīr ko ik bādshā ne luuT liyā

    abhī kaheñ to kisī ko na e'tibār aave

    ki ham ko raah meñ ik āshnā ne luuT liyā

    hazāroñ qāfile jis shoḳh ne kiye ġhārat

    'nazīr' ko bhī usī bevafā ne luuT liyā

    jhamak dikhate hi us dil-ruba ne luT liya

    hamein to pahle hi us ki ada ne luT liya

    nigah ke Thag ki lagawaT ne fan se kar ghafil

    hansi ne Dal di phansi dua ne luT liya

    wafa jafa ne ye ki jang-e-zar-gari hum se

    wafa ne baaton lagaya jafa ne luT liya

    luTe hum us ki gali mein to yun pukare log

    ki ek faqir ko ek baadsha ne luT liya

    abhi kahen to kisi ko na e'tibar aawe

    ki hum ko rah mein ek aashna ne luT liya

    hazaron qafile jis shoKH ne kiye ghaarat

    'nazir' ko bhi usi bewafa ne luT liya

    Source:

    • Book : Intekhab-e-Nazeer Akbarabadi (Pg. 205)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY