jhulaste lamhon ka lams le kar main chal raha hun
jhulaste lamhoñ kā lams le kar maiñ chal rahā huuñ
ḳhud apnī dozaḳh kī aag khā kar maiñ pal rahā huuñ
safar kī rūdād bhī mirī kuchh ajiib sī hai
maiñ aḳhzarī pahāḌiyoñ se gir kar sambhal rahā huuñ
mirā vajūd o adam bhī ik hādsa nayā hai
maiñ dafn huuñ kahīñ kahīñ se nikal rahā huuñ
chitā bujhā de koī koī asthiyāñ bahā de
maiñ aarzū meñ sahar kī sadiyoñ se jal rahā huuñ
samundaroñ kā svaad merī zabān par hai
maiñ sūñgh kar machhliyoñ kī ḳhushbū machal rahā huuñ
nahīñ hai 'māmūn' saath mere yahāñ pe koī
akelā hī zindagī kī rāhoñ pe chal rahā huuñ
jhulaste lamhon ka lams le kar main chal raha hun
KHud apni dozaKH ki aag kha kar main pal raha hun
safar ki rudad bhi meri kuchh ajib si hai
main aKHzari pahaDiyon se gir kar sambhal raha hun
mera wajud o adam bhi ek hadsa naya hai
main dafn hun kahin kahin se nikal raha hun
chita bujha de koi koi asthiyan baha de
main aarzu mein sahar ki sadiyon se jal raha hun
samundaron ka swad meri zaban par hai
main sungh kar machhliyon ki KHushbu machal raha hun
nahin hai 'mamun' sath mere yahan pe koi
akela hi zindagi ki rahon pe chal raha hun
Source:
Sanson Ke Paar (Pg. 145)
- Author: Khalil Mamoon
-
- Edition: 1976
- Publisher: Educational Publishing House, Delhi
- Year of Publication: 1976
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
