jis rose se apna mujhe idrak hua hai

zafar iqbal zafar

jis rose se apna mujhe idrak hua hai

zafar iqbal zafar

MORE BY zafar iqbal zafar

    jis roz se apnā mujhe idrāk huā hai

    har lamha mirī ziist saffāk huā hai

    ghar se to nikal aa.e ho sochā nahīñ kuchh bhī

    ab soch rahe ho jo badan chaak huā hai

    tahzīb baaqī hai na ab sharm-o-hayā kuchh

    kis darja ab insān ye bebāk huā hai

    guzrā hai koī sāneha bastī meñ hamārī

    har shaḳhs chehra yahāñ ġhamnāk huā hai

    uftād zamāne paḌī aisī hai mujh par

    thā jo bhī asāsa ḳhas-o-ḳhāshāk huā hai

    āñdhī thī vo nafrat ki insāñ thā andhā

    haiñ sho.ale uThe aise ki sab ḳhaak huā hai

    aslāf ke aqdār ko apnāyā hai jis ne

    pastī meñ rahā phir bhī vo aflāk huā hai

    rakhā hai qadam jis ne siyāsat ke safar par

    vo shaḳhs 'zafar' sāhab-e-imlāk huā hai

    jis roz se apna mujhe idrak hua hai

    har lamha meri zist ka saffak hua hai

    ghar se to nikal aae ho socha nahin kuchh bhi

    ab soch rahe ho jo badan chaak hua hai

    tahzib hi baqi hai na ab sharm-o-haya kuchh

    kis darja ab insan ye bebak hua hai

    guzra hai koi saneha basti mein hamari

    har shaKHs ka chehra yahan ghamnak hua hai

    uftad zamane ki paDi aisi hai mujh par

    tha jo bhi asasa KHas-o-KHashak hua hai

    aandhi thi wo nafrat ki ki insan tha andha

    hain shoale uThe aise ki sab KHak hua hai

    aslaf ke aqdar ko apnaya hai jis ne

    pasti mein raha phir bhi wo aflak hua hai

    rakha hai qadam jis ne siyasat ke safar par

    wo shaKHs 'zafar' sahab-e-imlak hua hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY