jo hai yan aasaish-e-ranj-o-mehan mein mast hai

Bahram ji

jo hai yan aasaish-e-ranj-o-mehan mein mast hai

Bahram ji

MORE BYBahram ji

    jo hai yaañ āsā.ish-e-rañj-o-mehan meñ mast hai

    kūcha-e-jānāñ meñ ham haiñ qais ban meñ mast hai

    tere kūche meñ hai qātil raqs-gāh-e-āshiqāñ

    koī ġhaltāñ sar-ba-kaf koī kafan meñ mast hai

    mai-kade meñ bāda-kash but-ḳhāne meñ haiñ but-parast

    jo hai aalam meñ vo apnī anjuman meñ mast hai

    nik.hat-e-zulf-e-sanam se yaañ mo.attar hai dimāġh

    koī mushk-chīñ koī mushk-e-ḳhutan meñ mast hai

    hai koī mahv-e-namāz aur ḳhum-kade meñ koī mast

    dil mirā ishq-e-butān-e-dil-shikan meñ mast hai

    hai musalmāñ ko hamesha āb-e-zamzam talāsh

    aur har ik barhaman gañg-o-jaman meñ mast hai

    aks-e-rū-e-sham.a-rū hai mere dil meñ jā-guzīñ

    dil mirā is ātish-e-lam.a-fagan meñ mast hai

    hai mirā har sher-e-tar 'bahrām' kaisā pur-asar

    jis ko dekho majlis-e-ahl-e-suḳhan meñ mast hai

    jo hai yan aasaish-e-ranj-o-mehan mein mast hai

    kucha-e-jaanan mein hum hain qais ban mein mast hai

    tere kuche mein hai qatil raqs-gah-e-ashiqan

    koi ghaltan sar-ba-kaf koi kafan mein mast hai

    mai-kade mein baada-kash but-KHane mein hain but-parast

    jo hai aalam mein wo apni anjuman mein mast hai

    nikhat-e-zulf-e-sanam se yan moattar hai dimagh

    koi mushk-chin koi mushk-e-KHutan mein mast hai

    hai koi mahw-e-namaz aur KHum-kade mein koi mast

    dil mera ishq-e-butan-e-dil-shikan mein mast hai

    hai musalman ko hamesha aab-e-zamzam ki talash

    aur har ek barhaman gang-o-jaman mein mast hai

    aks-e-ru-e-shama-ru hai mere dil mein ja-guzin

    dil mera is aatish-e-lama-fagan mein mast hai

    hai mera har sher-e-tar 'bahram' kaisa pur-asar

    jis ko dekho majlis-e-ahl-e-suKHan mein mast hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY