جو لا مذہب ہو اس کو ملت و مشرب سے کیا مطلب
جو لا مذہب ہو اس کو ملت و مشرب سے کیا مطلب
مرا مشرب ہے رندی رند کو مذہب سے کیا مطلب
کتاب درس مجنوں مصحف رخسار لیلیٰ ہے
حریف نکتہ دان عشق کو مکتب سے کیا مطلب
حسینان دو عالم میں ہے جلوہ حسن یکتا کا
نظر میں حسن یکتا جب ہوا ان سب سے کیا مطلب
ہمارا ہوش ہر دم آشنائے نحن اقرب ہے
حضوری جس کو حاصل ہو اسے یا رب سے کیا مطلب
تمنائیں بر آئیں اپنی ترک مدعا ہو کر
ہوا دل بے تمنا اب رہا مطلب سے کیا مطلب
ہمارے عرصۂ شطرنج میں ہے شاہ دیوانہ
جسے حاصل ہو آزادی اسے اردب سے کیا مطلب
ہمارا سجدہ ہے ہر گام پر پیر طریقت کو
سلوک عشق میں سر ہے قدم مرکب سے کیا مطلب
ہمیں تو یار سے مطلب ہے ساحرؔ اور یاری سے
ہمارا یار اور اغیار کے مطلب سے کیا مطلب
مأخذ:
Deewan-e-Sahir( Kufr-e-Ishq) (Pg. ebook-81 page-28)
- مصنف: ساحر دہلوی
-
- اشاعت: 1937
- ناشر: امپیریل پرنٹنگ پریس، دہلی
- سن اشاعت: 1937
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.