nigah-o-ruKH par hai likhi jati jo baat lab par ruki hui hai

Najeeba Arif

nigah-o-ruKH par hai likhi jati jo baat lab par ruki hui hai

Najeeba Arif

MORE BYNajeeba Arif

    nigāh-o-ruḳh par hai likhī jaatī jo baat lab par rukī huī hai

    mahak chhupe bhī to kaise dil meñ kalī jo ġham khilī huī hai

    jo dil se lipTā hai saañp ban kar Darā rahā hai bachā rahā hai

    ye saarī raunaq us ik tasavvur ke dam se to lagī huī hai

    ḳhayāl apnā kamāl apnā uruuj apnā zavāl apnā

    ye kin bhulayyoñ meñ Daal rakhā hai kaisī liilā rachī huī hai

    ham apnī kashtī sarāb-gāhoñ meñ Daal kar muntazir khaḌe haiñ

    na paar lagte na Dūbte haiñ har ik ravānī thamī huī hai

    azal abad to faqat havāle haiñ vaqt be-maqām gardish

    ḳhabar nahīñ hai thame kahāñ par kahāñ se jaane chalī huī hai

    bhaḌak ke jalnā nahīñ gavārā to mere parvardigār maulā

    na aisī ātish nafas meñ bharte ki jis se jaañ par banī huī hai

    nigah-o-ruKH par hai likhi jati jo baat lab par ruki hui hai

    mahak chhupe bhi to kaise dil mein kali jo gham ki khili hui hai

    jo dil se lipTa hai sanp ban kar Dara raha hai bacha raha hai

    ye sari raunaq us ek tasawwur ke dam se hi to lagi hui hai

    KHayal apna kamal apna uruj apna zawal apna

    ye kin bhulayyon mein Dal rakha hai kaisi lila rachi hui hai

    hum apni kashti sarab-gahon mein Dal kar muntazir khaDe hain

    na par lagte na Dubte hain har ek rawani thami hui hai

    azal abad to faqat hawale hain waqt ki be-maqam gardish

    KHabar nahin hai thame kahan par kahan se jaane chali hui hai

    bhaDak ke jalna nahin gawara to mere parwardigar maula

    na aisi aatish nafas mein bharte ki jis se jaan par bani hui hai

    Source:

    • Book : Pakistani Adab (Pg. 706)
    • Author : Dr. Rashid Amjad
    • Publication : Pakistan Academy of Letters, Islambad, Pakistan (2009)
    • Edition : 2009
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY