raste ke pech-o-KHam kya shai hain socha hi nahin

rāste ke pech-o-ḳham kyā shai haiñ sochā hī nahīñ

ham safar par jab se nikle muḌ ke dekhā hī nahīñ

do ghaḌī ruk kar Thahar kar sochte manzil kī baat

rāste meñ koī aisā moḌ aayā hī nahīñ

zindagī ke saath ham nikle the le kar kitne ḳhvāb

zindagī bhī ḳhatm hai mausam badaltā hī nahīñ

ik diyā yādoñ kā thā raushan thī jis se bazm-e-shab

jaane kyā guzrī ka.ī rātoñ se jaltā hī nahīñ

zindagī bhar pai-ba-pai ham ne kurede apne zaḳhm

ham se chhuT kar us pe kyā guzrī ye sochā hī nahīñ

aarzū thī khīñchte ham bhī koī aks-e-hayāt

kyā kareñ ab ke lahū āñkhoñ se Tapkā hī nahīñ

is tarah kaise ho 'ajmal' chāra-e-dil kī ummīd

dard apnā āḳhirī had se guzartā hī nahīñ

raste ke pech-o-KHam kya shai hain socha hi nahin

hum safar par jab se nikle muD ke dekha hi nahin

do ghaDi ruk kar Thahar kar sochte manzil ki baat

raste mein koi aisa moD aaya hi nahin

zindagi ke sath hum nikle the le kar kitne KHwab

zindagi bhi KHatm hai mausam badalta hi nahin

ek diya yaadon ka tha raushan thi jis se bazm-e-shab

jaane kya guzri kai raaton se jalta hi nahin

zindagi bhar pai-ba-pai hum ne kurede apne zaKHm

hum se chhuT kar us pe kya guzri ye socha hi nahin

aarzu thi khinchte hum bhi koi aks-e-hayat

kya karen ab ke lahu aankhon se Tapka hi nahin

is tarah kaise ho 'ajmal' chaara-e-dil ki ummid

dard apna aaKHiri had se guzarta hi nahin