shikayat hai bahut lekin gila achchha nahin lagta
shikāyat hai bahut lekin gilā achchhā nahīñ lagtā
diloñ kī baat hai kam hausla achchhā nahīñ lagtā
namī ā.ankhoñ meñ soz-e-dil kā unvān-e-takallum hai
magar ḳhāmosh ashkoñ kā sila achchhā nahīñ lagtā
idhar aanā na jaanā hī adhar gum-karda raahī hai
tazabzub kā mujhe ye marhala achchhā nahīñ lagtā
masarrat aur ġham donoñ kī koī had zarūrī hai
kisī bhī ek shai kā silsila achchhā nahīñ lagtā
burā lagtā hai ham ko ik tanāsub kā bigaḌ jaanā
kuchh aise log haiñ jin ko bhulā achchhā nahīñ lagtā
'atīq' aisā bhī jiinā koī jiinā hai bhalā āḳhir
na hove jis meñ josh-o-valvala achchhā nahīñ lagtā
shikayat hai bahut lekin gila achchha nahin lagta
dilon ki baat hai kam hausla achchha nahin lagta
nami aaankhon mein soz-e-dil ka unwan-e-takallum hai
magar KHamosh ashkon ka sila achchha nahin lagta
idhar aana na jaana hi adhar gum-karda rahi hai
tazabzub ka mujhe ye marhala achchha nahin lagta
masarrat aur gham donon ki koi had zaruri hai
kisi bhi ek shai ka silsila achchha nahin lagta
bura lagta hai hum ko ek tanasub ka bigaD jaana
kuchh aise log hain jin ko bhula achchha nahin lagta
'atiq' aisa bhi jina koi jina hai bhala aaKHir
na howe jis mein josh-o-walwala achchha nahin lagta
Source:
Hare-o-Nawa (Pg. 96)
- Author: Ateeq Asar
-
- Edition: 2004
- Publisher: Mohd Brothers
- Year of Publication: 2004
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
