tere jalal se KHurshid ko zawal hua

Aagha Akbarabadi

tere jalal se KHurshid ko zawal hua

Aagha Akbarabadi

MORE BY Aagha Akbarabadi

    tire jalāl se ḳhurshīd ko zavāl huā

    tire jamāl se mahtāb ko kamāl huā

    ḳhirām-e-nāz meñ un ko ye kab ḳhayāl huā

    ki dil kisī pisā koī pā.emāl huā

    shabāb se tirī rañgat turfa haal huā

    sapīd joḌā jo pahnā badan meñ laal huā

    jo vasl-e-yār tadbīr visāl huā

    ḳhayāl aish aayā to ik malāl huā

    hilāl badar huā badar se hilāl huā

    yahāñ kamāl kisī na be-zavāl huā

    hazāroñ saikḌoñ paidā hue hue nāpaid

    na ek dam bhī zamāne ko e'tidāl huā

    raqīb qatl huā us teġh-e-abrū se

    harām-zāda thā achchhā huā halāl huā

    butoñ zulm kisī ne sunā na mahshar meñ

    ḳhudā se bhī mirā jhagḌā na infisāl huā

    kiye haiñ ḳhuuñ se kisī ke ye dast-o-pā rañgīn

    shikār taaza koī aaj kyā halāl huā

    jalāyā mujh ko to tujh ko bhī lag gayā dhabba

    jigar pe daaġh mire ruḳh pe tere ḳhaal huā

    jo maiñ junūñ meñ gayā sū-e-dasht ai 'āġhā'

    to mujh ko dekh ke dīvāna har ġhazāl huā

    tere jalal se KHurshid ko zawal hua

    tere jamal se mahtab ko kamal hua

    KHiram-e-naz mein un ko ye kab KHayal hua

    ki dil kisi ka pisa koi paemal hua

    shabab se teri rangat ka turfa haal hua

    sapid joDa jo pahna badan mein lal hua

    jo wasl-e-yar ki tadbir ki visal hua

    KHayal aish ka aaya to ek malal hua

    hilal badar hua badar se hilal hua

    yahan kamal kisi ka na be-zawal hua

    hazaron saikDon paida hue hue napaid

    na ek dam bhi zamane ko e'tidal hua

    raqib qatl hua us ki tegh-e-abru se

    haram-zada tha achchha hua halal hua

    buton ka zulm kisi ne suna na mahshar mein

    KHuda se bhi mera jhagDa na infisal hua

    kiye hain KHun se kisi ke ye dast-o-pa rangin

    shikar taza koi aaj kya halal hua

    jalaya mujh ko to tujh ko bhi lag gaya dhabba

    jigar pe dagh mere ruKH pe tere KHal hua

    jo main junun mein gaya su-e-dasht ai 'agha'

    to mujh ko dekh ke diwana har ghazal hua

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY