tujhse garwida yak zamana raha

Hasrat Mohani

tujhse garwida yak zamana raha

Hasrat Mohani

MORE BY Hasrat Mohani

    tujh se garvīda yak zamāna rahā

    kuchh faqat maiñ mubtilā na rahā

    aap ko ab huī hai qadr-e-vafā

    jab ki maiñ lā.iq-e-jafā na rahā

    rāh-o-rasm-e-vafā vo bhuul ga.e

    ab hameñ bhī koī gila na rahā

    husn ḳhud ho gayā ġharīb-navāz

    ishq muhtāj-e-iltejā na rahā

    bas-ki nazzāra soz thā vo jamāl

    hosh-e-nazzārgī bajā na rahā

    maiñ kabhī tujh se bad-gumāñ na huā

    kabhī mujh se āshnā na rahā

    aap shauq bhī to ab dil meñ

    aap yaad ke sivā na rahā

    aur bhī ho ga.e vo ġhāfil-e-ḳhvāb

    nāla-e-sub.h-e-nā-rasā na rahā

    husn naaz āshiqī niyāz

    ab to kuchh bhī vo mājrā na rahā

    ishq jab shikva sanj-e-husn huā

    iltijā ho ga.ī gila na rahā

    ham bharose pe un ke baiTh rahe

    jab kisī bhī aasrā na rahā

    mere ġham huī unheñ bhī ḳhabar

    ab to ye dard davā na rahā

    aarzū terī barqarār rahe

    dil kyā rahā rahā na rahā

    ho ga.e ḳhatm mujh pe jaur-e-falak

    ab koī morid-e-balā na rahā

    jab se dekhī abul-kalām nasr

    nazm-e-'hasrat' meñ bhī mazā na rahā

    tujh se garwida yak zamana raha

    kuchh faqat main hi mubtila na raha

    aap ko ab hui hai qadr-e-wafa

    jab ki main laiq-e-jafa na raha

    rah-o-rasm-e-wafa wo bhul gae

    ab hamein bhi koi gila na raha

    husn KHud ho gaya gharib-nawaz

    ishq muhtaj-e-ilteja na raha

    bas-ki nazzara soz tha wo jamal

    hosh-e-nazzargi baja na raha

    main kabhi tujh se bad-guman na hua

    tu kabhi mujh se aashna na raha

    aap ka shauq bhi to ab dil mein

    aap ki yaad ke siwa na raha

    aur bhi ho gae wo ghafil-e-KHwab

    nala-e-subh-e-na-rasa na raha

    husn ka naz aashiqi ka niyaz

    ab to kuchh bhi wo majra na raha

    ishq jab shikwa sanj-e-husn hua

    iltija ho gai gila na raha

    hum bharose pe un ke baiTh rahe

    jab kisi ka bhi aasra na raha

    mere gham ki hui unhen bhi KHabar

    ab to ye dard la dawa na raha

    aarzu teri barqarar rahe

    dil ka kya raha raha na raha

    ho gae KHatm mujh pe jaur-e-falak

    ab koi morid-e-bala na raha

    jab se dekhi abul-kalam ki nasr

    nazm-e-'hasrat' mein bhi maza na raha

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY