wo maqam-e-dil-o-jaan kya hoga

Baqi Siddiqui

wo maqam-e-dil-o-jaan kya hoga

Baqi Siddiqui

MORE BYBaqi Siddiqui

    vo maqām-e-dil-o-jāñ kyā hogā

    jahāñ āḳhirī pardā hogā

    manzileñ rāsta ban jaatī haiñ

    DhūñDne vāloñ ne dekhā hogā

    saa.e meñ baiThe hue sochte haiñ

    kaun is dhuup meñ chaltā hogā

    terī har baat pe chup rahte haiñ

    ham patthar bhī koī kyā hogā

    abhī dil par haiñ jahāñ nazreñ

    aa.ina aur bhī dhundlā hogā

    rāz-e-sar-basta hai mahfil terī

    jo samajh legā vo tanhā hogā

    is tarah qat-e-ta.alluq na karo

    is tarah aur bhī charchā hogā

    ba.ad muddat ke chale dīvāne

    kyā tire shahr naqsha hogā

    sab muñh takte haiñ yuuñ ham jaise

    koī to baat samajhtā hogā

    phuul ye soch ke khil uThte haiñ

    koī to dīda-e-bīnā hogā

    ḳhud se ham duur nikal aa.e haiñ

    tere milne se bhī ab kyā hogā

    ham tirā rāsta takte hoñge

    aur sāmne baiThā hogā

    ḳhud ko yaad aane lage ham 'bāqī'

    phir kisī baat pe jhagḌā hogā

    wo maqam-e-dil-o-jaan kya hoga

    tu jahan aaKHiri parda hoga

    manzilen rasta ban jati hain

    DhunDne walon ne dekha hoga

    sae mein baiThe hue sochte hain

    kaun is dhup mein chalta hoga

    teri har baat pe chup rahte hain

    hum sa patthar bhi koi kya hoga

    abhi dil par hain jahan ki nazren

    aaina aur bhi dhundla hoga

    raaz-e-sar-basta hai mahfil teri

    jo samajh lega wo tanha hoga

    is tarah qat-e-talluq na karo

    is tarah aur bhi charcha hoga

    baad muddat ke chale diwane

    kya tere shahr ka naqsha hoga

    sab ka munh takte hain yun hum jaise

    koi to baat samajhta hoga

    phul ye soch ke khil uThte hain

    koi to dida-e-bina hoga

    KHud se hum dur nikal aae hain

    tere milne se bhi ab kya hoga

    hum tera rasta takte honge

    aur tu samne baiTha hoga

    KHud ko yaad aane lage hum 'baqi'

    phir kisi baat pe jhagDa hoga

    Videos
    This video is playing from YouTube

    Videos
    This video is playing from YouTube

    Baqi Siddiqui

    Baqi Siddiqui

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY