yun tere mast sar-e-rah chala karte hain

Shamim Karhani

yun tere mast sar-e-rah chala karte hain

Shamim Karhani

MORE BYShamim Karhani

    yuuñ tire mast sar-e-rāh chalā karte haiñ

    jaise shāhān-e-falak-e-jāh chalā karte haiñ

    ġham-e-duniyā ġham-e-jānāñ ġham-e-manzil ġham-e-rāh

    kitne ġham ziist ke hamrāh chalā karte haiñ

    dil bhī kyā rāhguzar hai ki hamesha jis meñ

    zohra-o-mustarī-o-māh chalā karte haiñ

    ye to rindoñ galī hai idhar ai shaiḳh kahāñ

    aisī rāhoñ meñ to gumrāh chalā karte haiñ

    ġham-e-daurāñ kaḌī dhuup meñ chalne vaale

    ba-tamannā-e-shab-e-māh chalā karte haiñ

    ham ko chalnā hai jo gulshan meñ to is tarah chaleñ

    jaise gulshan ke havā-ḳhvāh chalā karte haiñ

    yād-e-māzī ġham-e-imroz umīd-e-fardā

    kitne saa.e mire hamrāh chalā karte haiñ

    vādī-e-dil hai qadam soch ke rakhnā ki 'shamīm'

    tez is raah meñ nāgāh chalā karte haiñ

    yun tere mast sar-e-rah chala karte hain

    jaise shahan-e-falak-e-jah chala karte hain

    gham-e-duniya gham-e-jaanan gham-e-manzil gham-e-rah

    kitne gham zist ke hamrah chala karte hain

    dil bhi kya rahguzar hai ki hamesha jis mein

    zohra-o-mustari-o-mah chala karte hain

    ye to rindon ki gali hai idhar ai shaiKH kahan

    aisi rahon mein to gumrah chala karte hain

    gham-e-dauran ki kaDi dhup mein chalne wale

    ba-tamanna-e-shab-e-mah chala karte hain

    hum ko chalna hai jo gulshan mein to is tarah chalen

    jaise gulshan ke hawa-KHwah chala karte hain

    yaad-e-mazi gham-e-imroz umid-e-farda

    kitne sae mere hamrah chala karte hain

    wadi-e-dil hai qadam soch ke rakhna ki 'shamim'

    tez is rah mein nagah chala karte hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY