zain guftar-o-tasanno se kidhar hota hai

'zain' guftār-o-tasanno' se kidhar hotā hai

dil churāne kā bhī ik ḳhaas hunar hotā hai

maan leñ sabr kā phal mīThā agar hotā hai

kab mire baḳht ke sahrā meñ shajar hotā hai

de chukī chiiz bhī kab apnī huī jaise ki dil

dard ke sahne ko maujūd jigar hotā hai

rū-ba-rū hote hī jo soz-e-nihāñ kar de 'ayāñ

har kisī aañkh meñ kab itnā hunar hotā hai

ruuh phir paikar-e-fānī se nikal jaatī hai

chehra-e-yār se inkār agar hotā hai

ye mohabbat hī kisī dil kī nazar hotī hai

ye takabbur hī kisī zehn kā shar hotā hai

toḌ hī de na tabī'at kī akaḌ tujh ko 'zain'

narm-ḳhū shaḳhs har ik dil meñ amar hotā hai

'zain' guftar-o-tasanno' se kidhar hota hai

dil churane ka bhi ek KHas hunar hota hai

man len sabr ka phal miTha agar hota hai

kab mere baKHt ke sahra mein shajar hota hai

de chuki chiz bhi kab apni hui jaise ki dil

dard ke sahne ko maujud jigar hota hai

ru-ba-ru hote hi jo soz-e-nihan kar de 'ayan

har kisi aankh mein kab itna hunar hota hai

ruh phir paikar-e-fani se nikal jati hai

chehra-e-yar se inkar agar hota hai

ye mohabbat hi kisi dil ki nazar hoti hai

ye takabbur hi kisi zehn ka shar hota hai

toD hi de na tabi'at ki akaD tujh ko 'zain'

narm-KHu shaKHs har ek dil mein amar hota hai