zindagi dard ki kahani hai

Firaq Gorakhpuri

zindagi dard ki kahani hai

Firaq Gorakhpuri

MORE BYFiraq Gorakhpuri

    zindagī dard kahānī hai

    chashm-e-anjum meñ bhī to paanī hai

    be-niyāzāna sun liyā ġham-e-dil

    mehrbānī hai mehrbānī hai

    vo bhalā merī baat kyā maane

    us ne apnī bhī baat maanī hai

    shola-e-dil hai ye ki sho.ala-sāz

    tirā shola-e-javānī hai

    vo kabhī rañg vo kabhī ḳhushbū

    gaah gul gaah rāt-rānī hai

    ban ke ma.asūm sab ko taaḌ ga.ī

    aañkh us baḌī siyānī hai

    āp-bītī kaho ki jag-bītī

    har kahānī mirī kahānī hai

    donoñ aalam haiñ jis ke zer-e-nagīñ

    dil usī ġham rājdhānī hai

    ham to ḳhush haiñ tirī jafā par bhī

    be-sabab terī sargirānī hai

    sar-ba-sar ye farāz-e-mahr-o-qamar

    terī uThtī huī javānī hai

    aaj bhī sun rahe haiñ qissa-e-ishq

    go kahānī bahut purānī hai

    zabt kiije to dil hai añgārā

    aur agar roiye to paanī hai

    hai Thikānā ye dar us bhī

    dil bhī terā āstānī hai

    un se aise meñ jo na ho jaa.e

    nau-javānī hai nau-javānī hai

    dil mirā aur ye ġham-e-duniyā

    kyā tire ġham pāsbānī hai

    gardish-e-chashm-e-sāqī-e-daurāñ

    daur-e-aflāk bhī paanī hai

    ai lab-e-nāz kyā haiñ vo asrār

    ḳhāmushī jin tarjumānī hai

    mai-kadoñ ke bhī hosh uḌne lage

    kyā tirī aañkh javānī hai

    ḳhud-kushī par hai aaj āmāda

    are duniyā baḌī divānī hai

    koī iz.hār-e-nā-ḳhushī bhī nahīñ

    bad-gumānī bad-gumānī hai

    mujh se kahtā thā kal farishta-e-ishq

    zindagī hijr kahānī hai

    bahr-e-hastī bhī jis meñ kho jaa.e

    buuñd meñ bhī vo be-karānī hai

    mil ga.e ḳhaak meñ tire ushshāq

    ye bhī ik amr-e-āsmānī hai

    zindagī intizār hai terā

    ham ne ik baat aaj jaanī hai

    kyuuñ na ho ġham se qimāsh us

    husn tasvīr-e-shādmānī hai

    suunī duniyā meñ ab to maiñ huuñ aur

    mātam-e-ishq-e-āñ-jahānī hai

    kuchh na pūchho 'firāq' ahd-e-shabāb

    raat hai niiñd hai kahānī hai

    zindagi dard ki kahani hai

    chashm-e-anjum mein bhi to pani hai

    be-niyazana sun liya gham-e-dil

    mehrbani hai mehrbani hai

    wo bhala meri baat kya mane

    us ne apni bhi baat mani hai

    shola-e-dil hai ye ki shoala-saz

    ya tera shola-e-jawani hai

    wo kabhi rang wo kabhi KHushbu

    gah gul gah raat-rani hai

    ban ke masum sab ko taD gai

    aankh us ki baDi siyani hai

    aap-biti kaho ki jag-biti

    har kahani meri kahani hai

    donon aalam hain jis ke zer-e-nagin

    dil usi gham ki rajdhani hai

    hum to KHush hain teri jafa par bhi

    be-sabab teri sargirani hai

    sar-ba-sar ye faraaz-e-mahr-o-qamar

    teri uThti hui jawani hai

    aaj bhi sun rahe hain qissa-e-ishq

    go kahani bahut purani hai

    zabt kije to dil hai angara

    aur agar roiye to pani hai

    hai Thikana ye dar hi us ka bhi

    dil bhi tera hi aastani hai

    un se aise mein jo na ho jae

    nau-jawani hai nau-jawani hai

    dil mera aur ye gham-e-duniya

    kya tere gham ki pasbani hai

    gardish-e-chashm-e-saqi-e-dauran

    daur-e-aflak ki bhi pani hai

    ai lab-e-naz kya hain wo asrar

    KHamushi jin ki tarjumani hai

    mai-kadon ke bhi hosh uDne lage

    kya teri aankh ki jawani hai

    KHud-kushi par hai aaj aamada

    are duniya baDi diwani hai

    koi izhaar-e-na-KHushi bhi nahin

    bad-gumani si bad-gumani hai

    mujh se kahta tha kal farishta-e-ishq

    zindagi hijr ki kahani hai

    bahr-e-hasti bhi jis mein kho jae

    bund mein bhi wo be-karani hai

    mil gae KHak mein tere ushshaq

    ye bhi ek amr-e-asmani hai

    zindagi intizar hai tera

    hum ne ek baat aaj jaani hai

    kyun na ho gham se hi qimash us ka

    husn taswir-e-shadmani hai

    suni duniya mein ab to main hun aur

    matam-e-ishq-e-an-jahani hai

    kuchh na puchho 'firaq' ahd-e-shabab

    raat hai nind hai kahani hai

    Videos
    This video is playing from YouTube

    Videos
    This video is playing from YouTube

    Ratnika Tiwari

    Ratnika Tiwari

    RECITATIONS

    Nomaan Shauque

    Nomaan Shauque

    Nomaan Shauque

    zindagi dard ki kahani hai Nomaan Shauque

    Tagged Under :

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY