Makhzan, Lahore

Shaikh Abdul Qadir

Shaikh Abdul Qadir
1902 | More Info

About The Book

Description

"مخزن" برطانوی ہند میں لاہور سے شائع ہونے والا ایک علمی و ادبی جریدہ تھا جس کا اجرا اپریل ۱۹۰۱ میں ہوا۔ اس جریدے کے بانی و مدیر ہندوستان کے معروف قانون دان، مسلمانانِ ہند کے رہنما اور ریاست بہاولپور کے سابق چیف جج سر شیخ عبد القادر تھے۔ انھوں نے "مخزن" کے پہلے اداریے میں تقلیدی رویوں کی مذمت کی، تصنع نگاری کے خلاف آواز اٹھائی اور ادبا و شعرا کو فطرت کی زبان میں تخلیق کاری کی دعوت دی۔ "مخزن" کا ایک مقصد مذہبی اور سیاسی طبقوں سے الگ رہ کر اردو ادب کی خدمت کرنا تھا۔ چنانچہ "مخزن" نے مروجہ ڈگر سے علاحدہ روش اختیار کی اور جذبے اور تاثر کو ملکوتی زبان میں پیش کیا، تو اس عہد کے بیشتر نئے لکھنے والے مخزن کی طرف راغب ہو گئے۔ "مخزن" کے سر ورق پر ہندوستان کا نقشہ بنا ہوتا تھا۔ یہ فقرہ بھی ہر شمارے کی زینت ہوا کرتا تھا، "اردو علم و ادب کی دلچسپیوں کا ایک ماہوار مجموعہ" سر ورق پر ہی نظم و نثر کی فہرست اور پبلشر کا نا م و ادارہ بھی درج ہے۔ خاص بات یہ ہے کہ ابتدا سے ہی ا س جریدے نے اپنا اعتبار قائم کر لیا تھا جہاں اسے اہم لکھنے والوں کی سر پر ستی حاصل رہی وہیں اس دور کے کاروباری طبقوں نے ہاتھوں ہاتھ لیا۔ ہر شمارے میں اشتہارات کی بہتات ظاہر کرتی ہے کہ اسے مالی مسائل سے نبرد آزما نہیں ہونا پڑا ہو گا۔ "مخزن" صوری و معنوی ہر دو اعتبار سے اپنی مثال آپ تھا۔ شیخ صاحب جہاں تخلیقات کے انتخاب میں بہت باریک بینی سے کام لیتے، وہیں اس کے ظاہری حسن و دلکشی کا بھی خیال رکھتے۔ "مخزن" کے حلقۂ تحریر میں ا پنے عہد کے تقریباً تمام ہی مشاہیرِ ادب شامل تھے، پھر شیخ صاحب نے بہت سے نئے لکھنے والوں کو متعارف کرا کے انھیں بامِ عروج تک پہنچایا۔ اسے ہمیشہ مشاہیر اور بزرگ اہل قلم کی محبت و شفقت اور سر پرستی حاصل رہی۔ بلکہ ایسا محسوس ہوتا ہے کہ یہ تمام اہلِ قلم، کسی ایسے ہی ادبی جریدے کے منتظر تھے جو مؤقر بھی ہو اور معتبر بھی، شیخ صاحب کا جریدہ "مخزن" وقت کی اہم ضرورت تھا۔ مولانا حالی، مولانا شبلی، حسرت موہانی، تلوک چند محروم، شاد عظیم آبادی، اکبر الہ آبادی، حافظ محمود شیرانی، علامہ راشد الخیری، داغ دہلوی، سجاد حسین یلدرم، مولانا ابو الکلام آزاد، آغا شاعر دہلوی، سید محمد اکرم خان، ڈاکٹر شیخ محمد اقبال، منشی کندن لال صاحب، شیخ غلام محمد، حکیم ناصر فراق دہلوی، مہدی حسن وغیرہم، یہ وہ ہستیاں ہیں جنھوں نے اپنی تحریروں سے "مخزن" کو اعتبار بخشا۔ خود شیخ صاحب بھی جب تک مخزن سے وابستہ رہے، ان کی نگارشات کا یہی زمانہ عروج کا تھا۔ یہ وہ دور تھا کہ جب علامہ اقبال کے افکار و نظریات اردو شعری منظر نامے پر طلوع ہو رہے تھے۔ علامہ اقبال "مخزن" کے مستقل لکھنے والوں میں سے تھے اور یہ تعلق اس وقت تک قائم رہا جب تک مخزن پر سر عبد القادر کا نام چھپتا رہا۔ یوں علامہ اقبال کے سر زمین ہند بلکہ بیرونی دنیا سے تعارف کے سلسلے میں "مخزن" کا بنیادی کردار رہا۔

.....Read more

About The Editor

Shaikh Abdul Qadir

Shaikh Abdul Qadir

Sir Sheikh Abdul Qadir was born on March 15, 1874 in Ludhiana. He was at the forefront of the group of Muslim youth that was born out of Sir Syed Ahmad Khan's movement. In 1898, he became the editor of Punjab’s first English newspaper, The Observer. In 1901, he issued a literary Urdu journal named “Makhzan”. The journal quickly gained a distinguished reputation as most of Allama Iqbal’s Nazms were first published in it. The preface to Iqbal’s first collection of Urdu poems “Bang-e-Dara” was also written by Sheikh Abdul Qadir. In 1904, Sheikh Abdul Qadir left for England to practice law. In 1907, he passed the barrister's examination, first practicing law in Delhi and then in Lahore. He became a High Court judge in 1921, and became Punjab’s Education Minister in 1935. He became a member of the Executive Council of the Viceroy in 1939 and Chief Justice of Bahawalpur in 1942. Sir Sheikh Abdul Qadir is laid to rest in Miyani Sahib's graveyard in Lahore.

.....Read more

More From Editor

See More

Popular And Trending Magazines

See More

EXPLORE BOOKS BY

Book Categories

Books on Poetry

Magazines

Index of Books

Index of Authors

University Urdu Syllabus