ولیم شیکسپیئر انگریزی ادب میں دیوتا کی حیثیت رکھتے ہیں، زیر نظر کتاب مرچنٹ آف وینس شیکسپیئر کے مشہور ڈراموں میں سے ایک ہے،یہ ڈرامہ ’’مرچنٹ آف وینس‘‘ چار بڑے کرداروں کے گرد گھومتا ہے۔ پہلا انٹونیو جو بحری تاجر ہونے کے باعث کئی کشتیوں کا مالک ہے۔ دوسرا بسینیو، انٹونیو کا دوست اور تیسری ایک لڑکی جس کا نام پورشیا ہے۔ یہ بسینیو کی محبوبہ ہوتی ہے۔ چوتھا اہم ترین کردار یہودی ساہوکار شائیلاک ہے جو لوگوں کو سود پر قرضہ دینے کے ظالمانہ نظام سے وابستہ ہے۔ولیم شیکسپیئر کے اِس ڈرامے کا خلاصہ یہ ہےکہ لوگوں کی مالی مشکلات اور مجبوریوں سے یہودی شائیلاک فائدہ اٹھاتا ہے اور سودی نظام کو مضبوط بناتا ہے۔ دوسرے لوگوں کو حقیر سمجھتا ہے۔ مذہبی تعصب پھیلاتا ہے۔ یہاں تک کہ دوسرے مذاہب کو کمتر سمجھتا ہے۔ معصوم لوگوں پر جھوٹے الزامات لگاتا ہے۔ اسی لیے شائیلاک ظالم بے رحم اور سودی نظام کا سرپرست ہونے کے باعث سوسائٹی کا ولن ہے۔ عیسائی لوگ یہودی مذہب کو اچھا نہیں سمجھتے۔ یہی وجہ ہے کہ یہودی شائیلاک کی بیٹی عیسائی لڑکے سے شادی کرنے کے لیے یہودیت چھوڑ کر عیسائیت قبول کرلیتی ہے جوکہ ڈرامے میں لڑکے کی اہم شرط تھی۔ زیر نظر اسی ڈرامہ کا اردو ترجمہ ہے۔