سرسید کی سیاسی حکمت عملی کی بنیاد دو قومی نظریہ تھا۔ سرسید نے مسلمانوں کو ایک علاحدہ قوم ثابت کیا اور حضرت مجدد الف ثانی اور شاہ ولی اللہ کے افکار کو آگے بڑھایا۔ دو قومی نظریہ کی اصطلاح سرسید نے ہی سب سے پہلے استعمال کی۔ انہوں نے کہا کہ مسلمان جداگانہ ثقافت رسم و رواج اور مذہب کے حامل ہیں اور ہر اعتبار سے ایک مکمل قوم کا درجہ رکھتے ہیں۔ مسلمانوں کی علاحدہ قومی حیثیت کے حوالے سے سرسید احمد نے ان کے لیے لوکل کونسلوں میں نشستوں کی تخصیص چاہی، اعلیٰ سرکاری ملازمتوں کے لیے کھلے مقابلے کے امتحان کے خلاف مہم چلائی، اکثریت کی مرضی کے تحت قائم ہونے والی حکومت والے نظام کو ناپسند کیا۔ ا نہو ں نے مسلمانوں کی علاحدہ پہچان کروائی اور دو قومی نظریہ کی بنیاد پر ان کے لیے تحفظات مانگے۔ سر سید مسلمانوں کوسیاست سے دور رکھنا چاہتے تھے۔ اسی لیے انہوں نے مسلمانوں کو 1885ء میں ایک انگریز اے او ہیوم کی کوششوں سے قائم ہونے والی آل انڈیا کانگریس سے دوررکھا،اس پس منظر میں سرسید کےسیاسی تصورات اور ان کی تحریک کے سیاسی کردار نہایت اہم ہیں چنانچہ اس کتاب میں تاریخی سیاسی حوالے سے سرسید کی ہمہ گیر اور عظیم شخصیت کے قاعدانہ کردارکو اجاگر کیا گیاہے اور ان کی تحریکات کے نشیب و فراز، اور افکار و اعمال کا جائزہ پیش کیا گیا ہے، اس کتاب کےمطالعہ سے نہ صرف سر سیدکےعہد کا اندازہ ہوتا ہے بلکہ سر سید کی زندگی کےنمایاں کارنامے بھی سامنے آتے ہیں ۔