اردو ادب کی تاریخ بہت قدیم ہے۔اردو کے کئی محققین اور ناقدین نے اردو زبان و ادب کی ابتداو ارتقا اور تاریخ سے متعلق کئی اہم تحقیقات کیں ہیں۔بیسویں صدی میں اردو کے عالموں اور محققوں کے طریق تحقیق میں مشرقی روایات کے ساتھ ساتھ مغرب کے طریقہ کار کا امتزاج بھی نظر آنے لگا ۔ان محققین نے ادب کے مختلف اصناف سخن پر بھی تحقیقی و تنقیدی کام کیا ہے۔اردو شاعری بالخصوص کلاسیکی اردو شعرا پر بھی کئی اہم تحقیقات منظر عام پرآچکی ہیں۔زیر نظرکتاب اسی موضوع سے متعلق اہم تحقیقی کتاب ہے ۔جس میں اردو شاعری کا سیاسی اور تاریخی پس منظرکا جائزہ 1707ء سے 1857ء تک کے دوران لیا گیا ہے۔جس کے تحت اس دور کا سیاسی و اجتماعی حالات کا مختصر تاریخی جائزہ ،تاریخی واقعات کا سیاسی ،اقتصادی اور تمدنی تجزیہ ،اردو شاعری میں سیاسی و تاریخی واقعات ، کے ساتھ مختلف شعرا کا عہد بہ عہد جائزہ لیا گیا ہے۔اس طرح مصنف نے اردو شاعری کے سیاسی و تاریخی پس منظر کے ساتھ تحقیقی و تنقیدی تجزیہ پیش کردیا ہے۔