یہ سب جانتے ہیں کہ فارسی اور سنسکرت یوروپین زبانوں سے نکلی ہوئی دو شاخیں ہیں جو مرور ازمنہ کی وجہ سے قدر مختلف ہو گئیں۔ اور یہ زمانہ اس قدر طویل ہے کہ اب اگر دونوں زبانوں کو دیکھا جائے تو نہ ہی یہ یوروپین لگتی ہیں اور نہ ہی سنسکرت و فارسی ہم ریشہ لگتی ہیں ۔ مگر اردو زبان چونکہ ایسے وقت میں رائج ہوئی جب ہندوستان میں سنسکرت کو قدر کی نگاہ سے دیکھا جاتا تھا اور وہ مقدس زبان سمجھی جاتی تھی اور اشراف ہند ہی اس کو پڑھتے اور سیکھتے تھے اور اردو زبان کی ابتداء کرنے والے بھی اشراف طبقے کے ہی افراد تھے اس لئے اس نے ایک تو صحبت کے اثر اور دوسرے فارسی دانوں کے ذہن سے منجھ کر نکلی اس لئے اس نے اپنی بنیاد ان دو زبانوں پر رکھی ۔یہ الگ بات ہے کہ اب اردو زبان میں سنسکرت تو بھولے سے ہی ملتی ہے اور فارسی بھی رفتہ رفتہ غائب سی ہوئی جا رہی ہے۔ یہ کتاب اسی لسانی قومی کردار پر منحصر ہے۔ اس کتاب میں اردو زبان کے ابتدائی مراحل اور مختلف علاقوں میں اس کے مختلف بولیوں سے میل ملاپ کی وجہ سے اس میں جو تغیرات ہوئے ان کو بہت ہی خوبصورتی سے بیان کیا گیا ہے۔کتاب میں سیاسیات و سماجیات کا زبان پر پڑنے والے اثر کو بہت ہی نمایاں انداز مین بیان کیا گیا ہے۔