زیر تبصرہ کتاب "ویر ورشل" پنڈت ملک راج آنند کا ناول ہے، جس کا پلاٹ ہندو دیومالا پر مشتمل ہے، اس کے آغاز میں بدھ مت سے متعلق اہم معلومات بیان کی گئی ہیں، بودھ کے پیغامات کا تذکرہ کیا گیا ہے، پاٹلی پتر میں بودھ ارہت آیا ہوا ہے ، وہ لوگوں کو بدھ مت سے متعلق معلومات فراہم کرتا ہے، کرشن کے مقام و مرتبہ اور خدمات کا تذکرہ کیا گیا ہے، جنماشٹمی کے پروگرام میں یہ گفتگو ہوتی ہے، جنگ سے پہلے کی گئ ویر ورشل کی تقریر کا تذکرہ کیا گیا ہے، ویر ورشل ہندو دیومالا کا اہم کردار ہے، ویر ورشل نے پنچال دیش سے یونوں کونکال باہر کر دیا تھا، ویر ورشل کی بہادری پر مشتمل واقعات کا تذکرہ کیا گیا ہے، اور اس کے مہامنتری چانکیہ کی ذہانت کا بخوبی نقشہ کھینچا گیا ہے، مہاراج نند کے بڑے اور مضبوط لشکر سے مقابلہ آرائ کا نقشہ کھینچا گیا ہے، جس میں فوجیوں اور آلات حرب کی کثرت تھی، چانکیہ ویر ورشل کی فوج کو مرتب کرتا ہے، جنگ کا نقشہ ناول میں بخوبی کھینچا گیا ہے۔