مصنف : عبد الحمید عدم

ناشر : کتاب گھر، امرتسر

مقام اشاعت : Amritsar (City), Other (District), Punjab (State), India (Country)

سن اشاعت : 1957

زبان : Urdu

موضوعات : شاعری

ذیلی زمرہ جات : مجموعہ

صفحات : 128

معاون : انجمن ترقی اردو (ہند)، دہلی

بط مے

کتاب: تعارف

اردو شاعری میں غزل وہ مقبول عام صنف ہے جس میں ارتقا پذیری اور حالات سے مطابقت پیدا كرنے كی حیرت انگیز صلاحیت موجود ہےاور یہ ہر دور میں انسانی زندگی كے مسائل كی ترجمان رہی ہے۔ "بط مے"عبدالحمید عدم كے غزلیہ كلام پر مشتمل مجموعہ ہے ۔چھوٹی بحر اور سہل ممتنع میں خوبصورت،منفرد اور دلكش غزل كہنے والا یہ شاعر بہت سے زبان زد عام اشعار كے ذریعہ اہل ذوق كے دلوں میں اپنی اہم جگہ بنا چكا ہے۔چھوٹی بحر میں سادہ اوركم سے كم الفا ظ عدم كی غزل كی خاص خوبی ہے۔ان كی غزلوں میں ایك مخصوص انداز جھلكتا ہے،جس میں ہلكا ہلكا سوز بھی ہے اور عشق و محبت كی دھیمی دھیمی آنچ بھی۔انھوں نے روایتی موضوعات اور استعاروں كو نئے انداز میں استعمال كیا ہے۔جیسے خم و گیسو،گل وبلبل،شمع وپروانہ ،شیشہ و سنگ كے استعمال سے روایتی غزل كو مزید آبدار كیا ہے۔ان كے كلام میں بادہ نوشی اور مے كدے كا تذكرہ زیادہ ہے۔لیكن دیگر موضوعات بھی موجود ہیں۔ان كے كلام میں سادگی اور سلاست كے ساتھ صاف گوئی اور بے باكی بھی نظرآتی ہے۔عدم كبھی كبھی طنز سے بھی كام لیتے ہیں كہیں كہیں ان كے كلام میں سیاست او رسماج پر طنز بھی دكھائی دیتا ہے۔

.....مزید پڑھئے

مصنف: تعارف

نام سید عبدالحمید، تخلص عدم۔ ۱۰؍اپریل ۱۹۱۰ء کو تلونڈی، موسیٰ خاں ضلع گوجرانوالہ میں پیدا ہوئے۔ تعلیم وتربیت لاہو ر میں ہوئی۔ بی اے پاس کرنے کے بعد ملٹری اکاؤنٹس کے محکمے میں ملازم ہوگئے اور اکاؤنٹس افسر کے عہدے سے ریٹائر ہوئے۔ اوائل عمر ہی سے شعروشاعری کا شوق تھا۔ کسی کے آگے زانوئے تلمذ تہہ نہیں کیا۔ دوسری جنگ عظیم میں ملک سے باہر بھی رہے ۔ نظم ،غزل، قطعہ میں طبع آزمائی کی ، لیکن غزل سے ان کی طبیعت کو خاص مناسبت تھی۔ عدم ایک مقبول عوام غزل گو شاعر تھے۔ ’’نقش دوام‘‘ عدم کا اولین مجموعہ کلام تھا۔ اس کے بعد ان کے متعدد مجموعے شائع ہوئے۔چند نام یہ ہیں: ’خرابات‘، ’چارۂ درد‘، ’زلف پریشاں‘، ’سروسمن‘، ’گردش جام‘، ’شہرخوباں‘، ’گلنار‘، ’عکس جام‘، ’رم آہو‘، ’بط مے‘، ’نگار خانہ‘، ’ساز صدف‘، ’رنگ و آہنگ‘۔ ۱۰؍مارچ ۱۹۸۱ء کو لاہور میں انتقال کرگئے۔

بحوالۂ:پیمانۂ غزل(جلد اول)،محمد شمس الحق،صفحہ:417

 

.....مزید پڑھئے

مصنف کی مزید کتابیں

مصنف کی دیگر کتابیں یہاں پڑھئے۔

مزید

قارئین کی پسند

اگر آپ دوسرے قارئین کی دلچسپیوں میں تجسس رکھتے ہیں، تو ریختہ کے قارئین کی پسندیدہ

مزید

مقبول و معروف

مقبول و معروف اور مروج کتابیں یہاں تلاش کریں

مزید

Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

GET YOUR FREE PASS
بولیے