مصنف : محمد مستمر

ناشر : انیس امروہوی

سن اشاعت : 2015

زبان : Urdu

موضوعات : افسانہ

صفحات : 160

ISBN نمبر /ISSN نمبر : 978-93-85258-15-2

معاون : خواجہ معین الدین چشتی یونیورسٹی، لکھنؤ

حدوں سے آگے

مصنف: تعارف

ڈاکٹر محمد مستمر ۶ ؍ مئی ۱۹۸۱ء کو ضلع مظفرنگر کے ایک تاریخی قصبہ حسن پور لوہاری میں پیدا ہوئے ۔ انھوں نے ابتدائی تعلیم مقامی مدرسہ سے حاصل کی اوراعلیٰ تعلیم ایم اے ، ایم فِل ( اُردو ) چودھری چرن سنگھ یونی ورسٹی میرٹھ سے کیا۔ ایم فل میں ان کے مقالے کا موضوع تھا’’ علیم اختر مظفر نگری کی شاعری : ایک مطالعہ‘‘۔ یہ مقالہ کتابی صورت میں۲۰۱۰ء میں شائع ہو کریوپی اردو اکادمی سے انعام بھی حاصل کر چکا ہے۔ پی ایچ ڈی کے لئے انھوں دہلی یونی ورسٹی کا رُخ کیا اورپروفیسر ارتضیٰ کریم کی نگرانی میں ’’ اردو افسانوں میں نفسیاتی عناصر کی عکاسی ‘‘ کے موضوع پر مقالہ تحریر کیا ۔

ڈاکٹر محمد مستمر تقریباََ تیرہ برس تک ہریانہ اردو اکادمی کے’’ شعبۂ اردو خط و کتابت کورس ‘‘ سے وابستہ رہے ۔ یہاں انھوں نے تیرہ برسوں میں کم و بیش ساڑھے چھے ہزار لوگوں کو اردو رسم الخط سے رو شناس کرایا ۔ جس میں اسّی سال کی عمر سے لے کر دس سال کی عمر تک کے لوگ شامل رہے ۔اب وہ پچھلے لگ بھگ دو برسوں سے ذاکر حسین ، دہلی کالج میں بہ حیثیت ’ اسسٹنٹ پروفیسر‘ اپنی تدریسی خدمات انجام دے رہے ہیں۔  ڈاکٹر محمد مستمر بنیادی طور پر ایک نفسیاتی نقاد کی حیثیت سے جانے جاتے ہیں مگر ان کی شناخت ایک افسانہ نگار، مترجم اور شاعر کے طور پر بھی ہے ۔کچھ عرصے تک انھوں نے ہریانہ اردو اکادمی کے مجلہ’ جمناتٹ ‘ کی مدیرانہ ذمہ داریوں کو بھی نبھایا ۔

ڈاکٹر محمد مستمر ایک درجن سے زائد کتابیں تخلیق اور ترتیب دے چکے ہیں ۔ ان کی مشہور کتابوں کے نام اس طرح ہیں : ۱۔ علیم اختر مظفر نگری کی شاعری : ایک مطالعہ ( یوپی اردو اکادمی سے انعام یافتہ ) ۲۔ حدوں سے آگے ( افسانوی مجموعہ ،یوپی اردو اکادمی سے انعام یافتہ ) ،۳۔ تنقیص و تقریظ ،۴۔ کلیاتِ علیم اختر مظفر نگری ،۵۔  پہلو در پہلو ،۶۔ ارتکاب ( افسانوی مجموعہ) ۷۔ انیس انصاری : شخصی اور فنی زاویے ،۸۔ آخری ادھیائے( ناول : ترجمہ)،۹۔ آؤ اُردو سیکھیں  (قاعدہ)، ۱۰۔ آؤ اُردو سیکھیں ورک بُک، ۱۱۔ انقلابی قلندی( مجموعۂ غزلیات)۔علاوہ ازیں مختلف سیمیناروں میں شرکت اور ملک و غیرممالک کے رسائل و جرائد میں متواتر چھپتے رہتے ہیں ۔  

.....مزید پڑھئے

مصنف کی مزید کتابیں

مصنف کی دیگر کتابیں یہاں پڑھئے۔

مزید

قارئین کی پسند

اگر آپ دوسرے قارئین کی دلچسپیوں میں تجسس رکھتے ہیں، تو ریختہ کے قارئین کی پسندیدہ

مزید

مقبول و معروف

مقبول و معروف اور مروج کتابیں یہاں تلاش کریں

مزید
بولیے